Real Madrid ប៉ះ Man Utd៖ ក្រុមណានឹងលើកពាន UEFA Super Cup យប់នេះ?
- 2017-08-08 04:48:47
- ចំនួនមតិ 0 | ចំនួនចែករំលែក 0
Real Madrid ប៉ះ Man Utd៖ ក្រុមណានឹងលើកពាន UEFA Super Cup យប់នេះ?
ចន្លោះមិនឃើញ
ទីបំផុតការប្រកួតដើម្បីស្វែងរកម្ចាស់ពានរង្វាន់ UEFA Super Cup បានមកដល់ហើយ ដោយការប៉ះគ្នារវាងក្រុមជើងឯកពាន UEFA Champions League (Real Madrid) ជាមួយក្រុមជើងឯកពាន UEFA Europa League (Manchester United) វេលាម៉ោង ១:៤៥ នាទី (ម៉ោងនៅកម្ពុជា) រំលងអាធ្រាត្រ ឈានចូលថ្ងៃទី៩ ខែសីហា ឆ្នាំ២០១៧ នៅទីក្រុង Skopje ប្រទេសម៉ាសេដូនី។
កីឡាករដែលទំនងជាត្រូវដាក់ចូលលេងជាជម្រើស១១នាក់ដំបូងយប់នេះ
សម្ដីគ្រូបង្វឹក
លោក Zidane គ្រូបង្វឹក Real Madrid៖ «ស្អែកជាការប្រកួតដ៏សំខាន់។ ពួកយើងមកទីនេះដើម្បីឈ្នះ... ពួកយើងដឹងថា ពីមួយឆ្នាំទៅមួយឆ្នាំពួកយើងកាន់តែជួបផលលំបាកខ្លាំងឡើងៗ ប៉ុន្តែក្រុមយើងមានទម្លាប់ និងភាពស្រេចឃ្លានក្នុងការឈ្នះ។ ពួកយើងមិននឿយហត់ក្នុងការទទួលជ័យជម្នះនោះទេ»។
លោក Jose Mourinho អ្នកចាត់ការក្រុម Man Utd៖ «ខ្ញុំមានក្ដីរំភើបខ្លាំងបំផុតដែលបានដឹកនាំក្រុមប្រកួតដណ្ដើមពាន Super Cup និងលេងតទល់នឹងក្រុមជើងឯកទ្វីបអឺរ៉ុប។ នេះជាកិត្តិយសមួយសម្រាប់ពួកយើង ដែលបានប្រកួតជាមួយក្រុមដែលមានប្រវត្តិសាស្ត្រ និងធ្លាប់ឈ្នះពានរង្វាន់ជាច្រើន។ ពួកយើងនឹងប្រកួតក្នុងឱកាសដ៏ពិសេសមួយនេះ ព្រោះកីឡាករម្នាក់ៗមិនងាយមានឱកាសបានលេងពានរង្វាន់នេះទេ»។
ប្រវត្តិជួបគ្នា ៥ប្រកួតចុងក្រោយ
Real Madrid ឈ្នះ ១ (ក្នុងការប្រកួតពាន UCL)
Manchester United ឈ្នះ ៣ (ក្នុងការប្រកួត UCL ១ប្រកួត និង ពាន ICC ២ប្រកួត)
ស្មើ ១ (ក្នុងការប្រកួតពាន UCL)
ប្រសិនបើឈ្នះក្នុងការប្រកួតយប់នេះ Real Madrid នឹងក្លាយជាក្រុមដែលលើកពាន UEFA Super Cup ចំនួន ២ឆ្នាំជាប់ៗគ្នា បន្ទាប់ពី AC Milan កាលពីឆ្នាំ១៩៨៩ និង ១៩៩០ ៕