Ronaldo ត្រូវពិន័យប៉ុន្មានប្រកួតហើយ តាំងពីចូលរួមជាមួយ Real Madrid?
- 2017-08-15 06:36:33
- ចំនួនមតិ 0 | ចំនួនចែករំលែក 0
Ronaldo ត្រូវពិន័យប៉ុន្មានប្រកួតហើយ តាំងពីចូលរួមជាមួយ Real Madrid?
ចន្លោះមិនឃើញ
បន្ទាប់ពីទទួលកាតក្រហម បណ្ដេញចេញពីការប្រកួតដោយសារច្រានអាជ្ញាកណ្ដាលក្នុងការប្រកួត ជើងទីមួយ Super Cup ខ្សែប្រយុទ្ធ Cristiano Ronaldo ត្រូវបានពិន័យចំនួន ៥ប្រកួត។ ដូច្នេះ ចាប់ពីផ្ដើមអាជីពនៅ Real Madrid មកទល់ពេលនេះរូបគេត្រូវខកខានចំនួន ១៥ប្រកួត ដោយសារការពិន័យ។
កីឡាករសញ្ជាតិព័រទុយហ្គាល់រូបនេះ ទទួលកាតក្រហមលើកទីមួយ ក្នុងនាមជាកីឡាកររបស់ Real Madrid អំឡុងរដូវកាលដំបូងរបស់ខ្លួន ឆ្នាំ២០០៩ ពេលប្រកួតទល់នឹង Almeria ។ មួយខែក្រោយមក Ronaldo ត្រូវបណ្ដេញពីការប្រកួតម្ដងទៀត ក្នុងជំនួបជាមួយ Malaga ។ ៣ឆ្នាំក្រោយមកទៀត ទើបរូបគេទទួលកាតក្រហមជាថ្មី ក្នុងការប្រកួតទល់នឹង Atletico Madrid។
ក្រោមការដឹកនាំរបស់លោក Carlo Ancelotti នៅរដូវកាលដំបូង ដែលបច្ចុប្បន្នកំពុងដឹកនាំ Bayern Munich កីឡាកររហស្សនាម CR7 ទទួលកាតក្រហមទៀត ទល់នឹងក្រុម Athletic Club ។ ចំពោះកាតក្រហមចុងក្រោយ គឺកាលពីឆ្នាំ២០១៥ នៅពេល Real ជួប Cordola ។
ថ្មីៗនេះ Ronaldo ទើបតែត្រូវពិន័យ ៥ប្រកួតដោយសារការដោះអាវអបអរក្រោយស៊ុតបញ្ចូលទី និងការរុញទៅលើអាជ្ញាកណ្ដាល។ ក្នុងនោះ មានជំនួបជើងទីពីរ Super Cup ទល់នឹង Barcelona, ជំនួបក្នុងលីគទល់នឹង Deportivo La Coruna, Valencia, Levante និង Real Sociedad ៕