ទោះការផ្គត់ផ្គង់លើសតម្រូវការ តែខុនដូមានតម្លៃក្រោម ៥ម៉ឺនដុល្លារ កំពុងត្រូវប៉ាន់ខ្លាំង
- 2017-08-16 04:13:14
- ចំនួនមតិ 0 | ចំនួនចែករំលែក 0
ទោះការផ្គត់ផ្គង់លើសតម្រូវការ តែខុនដូមានតម្លៃក្រោម ៥ម៉ឺនដុល្លារ កំពុងត្រូវប៉ាន់ខ្លាំង
ចន្លោះមិនឃើញ
តាមរបាយការណ៍ចេញផ្សាយដោយ Knight Frank កាលពីថ្ងៃអង្គារ បានបង្ហាញថា ទោះបីជាមានការផ្គត់ផ្គង់លើសតម្រូវការក្តី ខុនដូដែលមានតម្លៃក្រោម ៥មឺុនដុល្លារ បានលក់ដាច់ខ្លាំងនៅរាជធានីភ្នំពេញ។
Knight Frank បាននិយាយក្នុងរបាយការណ៍ថា ក្នុងរយៈពេល ៦ខែដំបូងក្នុងឆ្នាំ ២០១៧នេះ តម្រូវការបានធ្លាក់ចុះយ៉ាងខ្លាំង ពោលគឺអត្រាលក់ជាមធ្យមមានកម្រិតតែ ១៥ភាគរយ។ អ្នកទិញកំពុងចាប់យកយុទ្ធសាស្ត្រ "រង់ចាំមើលសិន" ដែលប្រហែលជាអាចពាក់ព័ន្ធនឹងភាពមិនប្រាកដប្រជា ជុំវិញការបោះឆ្នោតនៅឆ្នាំ២០១៨។
យ៉ាងណាក្ដី Knight Frank បានអះអាងថា ការលក់នៃខុនដូដែលមានលក្ខណៈប្រណិតមានការលំបាក ប៉ុន្តែការលក់ខុនដូតំលៃក្រោម ៥ម៉ឺនដុល្លារ លក់បានច្រើន។
ការផ្គត់ផ្គង់ខុនដូត្រូវបានគេកត់ត្រាថាមានចំនួន ៤៧៩៤ units នៅ ៦ខែដំបូងក្នុងឆ្នាំ២០១៧ ដោយមានការផ្គត់ផ្គង់បន្ថែមចំនួន ១៣៩២ units ពីគំរោងចំនួន ៧ ដែលសុទ្ធតែជាប្រភេទប្រណិត យោងតាម Knight Frank។
ចំនួនផ្គត់ផ្គង់ថ្មីទាំង៧នេះ សុទ្ធតែមានទីតាំងនៅខណ្ឌចំការមន និងខណ្ឌដូនពេញ ដែលត្រូវបានគេចាត់ទុកថាជាទីតាំងល្អកណ្តាលទីក្រុង៕
ចុចត្រង់នេះ ដើម្បីតាមដានព័ត៌មានសេដ្ឋកិច្ចក្នុងស្រុកជាច្រើនទៀត