អ្នកចាត់ការក្លឹប Everton សារភាពថា ចង់បាន Costa

2017-08-18 06:58:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Chelsea កីឡាករ Diego Costa បានប្រកាសពីបំណងរបស់ខ្លួនក្នុងការចាកចេញពី Stamford Bridge ទៅលេងនៅក្លឹបអេស្ប៉ាញ Atletico Madrid។ ប៉ុន្តែការចុះកុងត្រា គឺត្រូវរង់ចាំរហូតដល់ខែមករា ឆ្នាំ២០១៨ ដែលធ្វើឲ្យកីឡាកររូបនេះត្រូវស្វែងរកក្លឹបថ្មីជំនួស។

ជាមួយគ្នានេះ អ្នកចាត់ការក្លឹប Everton លោក Ronald Koeman បានសារភាពថា ក្លឹបរបស់លោក នឹងចុះកុងត្រានាំយក Costa មិនថាជាអាចិន្រៃ្តយ៍ ឬជាការខ្ចីជើងឡើយ។

ថ្លែងក្នុងសន្និសីទសារព័ត៌មានមួយ លោក Koeman បាននិយាយថា Everton នឹងបើកលទ្ធភាពចុះកុងត្រាខ្ចីជើង Costa អាចក្នុងរយៈពេល ៦ខែ ១រដូវកាល ឬ២ឆ្នាំ ក្នុងអំឡុងពេលដែល Costa កំពុងរង់ចាំការផ្លាស់ទៅ Atletico។

លោក Ronald Koeman

ទោះជាយ៉ាងណា លោកបារម្ភថា ក្លឹបលោកមានលទ្ធភាពនាំយកកីឡាករល្អៗ ប៉ុន្តែ Everton មិនបានលេងនៅ Champions League ឡើយ ដូច្នេះវាអាចនឹងមានការពិបាកក្នុងការនាំយកកីឡាករល្អៗមកបន្ថែមក្នុងក្រុម៕

ប្រភព៖ Goal ប្រែសម្រួល៖ សំភី