សប្ដាហ៍នេះ ជើងស៊ុត Zlatan នឹងចុះកុងត្រាថ្មី ត្រឡប់ចូលរួមក្រុម Man Utd វិញ

2017-08-21 02:57:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម Manchester United រំពឹងថា ខ្សែប្រយុទ្ធ Zlatan Ibrahimovic នឹងស៊ីញេលើកុងត្រាថ្មី ក្នុងអំឡុងសប្ដាហ៍នេះ បន្ទាប់ពីផុតកុងត្រាកាលពីខែមិថុនា កន្លងទៅ។

Ibrahimovic អាយុ៣៥ឆ្នាំ កំពុងសម្រាកព្យាបាលរបួសជង្គង់ ដែលបង្កឡើងកាលពីប្រកួតពានរង្វាន់ Europa League ទល់នឹងក្រុម Anderlecht កាលពីខែមេសា ហើយនឹងអាចត្រឡប់មកកាន់ទីលានប្រកួតវិញ នៅដើមឆ្នាំ២០១៨។

ការចុះកុងត្រាថ្មីរបស់ Ibrahimovic ត្រូវគេរំពឹងថា នឹងជួយដល់ផ្នែកលក់បានច្រើន សម្រាប់ការលក់អាវរបស់ Ibrahimovic ដែលរូបគេនឹងទទួលបានលេខថ្មី នៅក្រុមបិសាចក្រហម បន្ទាប់ពីអាវលេខ៩ ដែលកីឡាករស៊ុយអែតនេះធ្លាប់ពាក់ ត្រូវបានពាក់ដោយខ្សែប្រយុទ្ធចំណូលថ្មី Romelu Lukaku ដែលផ្ទេរពី Everton នៅដើមរដូវកាល២០១៧-១៨ នេះ។

Ibrahimovic បានរកគ្រាប់បាល់ចំនួន ២៨គ្រាប់ ឲ្យក្រុម Man Utd កាលពីរដូវកាល២០១៦-១៧។ ក្នុងនោះ ស៊ុតចូលក្នុងលីគបានចំនួន ១៧គ្រាប់៕

ប្រភព៖ ESPN FC ប្រែសម្រួល៖ លាភ.