យន្តហោះទម្លាក់គ្រាប់បែករុស្ស៊ី បំពានតំបន់ការពារដែនអាកាសកូរ៉េខាងត្បូង
- 2017-08-25 04:30:17
- ចំនួនមតិ 0 | ចំនួនចែករំលែក 0
យន្តហោះទម្លាក់គ្រាប់បែករុស្ស៊ី បំពានតំបន់ការពារដែនអាកាសកូរ៉េខាងត្បូង
ចន្លោះមិនឃើញ
យន្តហោះទម្លាក់គ្រាប់បែករុស្ស៊ី បានបំពានតំបន់ការពារដែនអាកាសកូរ៉េខាងត្បូង (KADIZ) ក្នុងរយៈពេលខ្លី កាលពីថ្ងៃទី២៣ សីហា ដែលធ្វើឲ្យកូរ៉េខាងត្បូង បញ្ជូនយន្តហោះទៅស្ទាក់។
មន្រ្តីកូរ៉េខាងត្បូង១រូប បានឲ្យដឹងកាលពីថ្ងៃទី២៤សីហាថា យន្តហោះរុស្ស៊ីនោះ គឺជាប្រភេទ Tu-95 មានប្រវែង ៤៦,២ម៉ែត្រ មិនបានឈ្លានពានចូលដែនអាកាសកូរ៉េខាងត្បូងទេ ដោយត្រឹមតែចូលក្នុងតំបន់ KADIZ ប៉ុណ្ណោះ។
កងទ័ពកូរ៉េខាងត្បូង ក៏បានព្យាយាមបង្កើតទំនាក់ទំនង (hotline) ជាមួយរុស្ស៊ីផងដែរ ដើម្បីជៀសវាង ការប៉ះទង្គិចគ្នា។
ចំណែកក្រសួងការពារជាតិរុស្ស៊ី បានប្រកាសម្សិលមិញដែរថា យន្តហោះទម្លាក់គ្រាប់បែករបស់ខ្លួន បានហោះហើរនៅលើដែនទឹកអព្យាក្រឹត្យ នៃមហាសមុទ្រប៉ាស៊ីហ្វិក និងតំបន់សមុទ្រដទៃទៀតជាច្រើន៕