វៀតណាមសម្រិតសម្រាំងខ្សែប្រយុទ្ធ៤រូប ទុកប៉ះកម្ពុជា

2017-08-31 06:50:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូបង្វឹកក្រុមបាល់ទាត់ជម្រើសជាតិវៀតណាមដែលទើបតែឡើងកាន់តំណែងបណ្ដោះអាសន្ន លោក Mai Duc Chung បានបង្ហាញពីជំនឿចិត្តចំពោះខ្សែប្រយុទ្ធចំនួន ៤រូប ដែលលោកបានកោះហៅត្រៀមសម្រាប់ការប្រកួតតទល់នឹងក្រុមកម្ពុជា ក្នុងពូល C វគ្គជម្រុះ 2019 AFC Asian Cup នៅពហុកីឡដ្ឋានជាតិ រាជធានីភ្នំពេញ នាថ្ងៃទី៥ ខែកញ្ញា ឆ្នាំ២០១៧ ខាងមុខនេះ។

«ពួកយើងមានកីឡាករល្អៗ ដូច្នេះការផ្ដល់ពេលសម្រាប់ឲ្យពួកគេយល់ចិត្តគ្នាគឺជារឿងដ៏សំខាន់។ Cong Phuong, Mac Hong Quan, Duc Chinh, Van Quyet ជាខ្សែប្រយុទ្ធចុងក្រោយរបស់ពួកយើង... ពួកយើងនឹងរកវិធីសាស្ត្រដើម្បីបង្កើតគ្រាប់បាល់ទៅលើក្រុមម្ចាស់ផ្ទះកម្ពុជាឲ្យទល់តែបាន»។ នេះជាសម្ដីរបស់គ្រូបង្វឹកវៀតណាម។

លោក Mai Duc Chung

លោកបន្តថា ***«ដូចបានដឹងរួចស្រាប់ហើយ កាលពីប្រកួតកន្លងទៅ កម្ពុជាបានយកឈ្នះអាហ្វហ្គានីស្ថាន ដូច្នេះពួកគេមិនមែនជាក្រុមខ្សោយនោះទេ។ កម្ពុជាមានប្រៀបក្នុងដី»***។

គ្រូបង្វឹកបណ្ដោះអាសន្នដដែល បន្ថែមថា លោកមានផែនការយុទ្ធសាស្ត្ររួចជាស្រេចក្នុងការទប់ទល់នឹងក្រុមម្ចាស់ផ្ទះ ប៉ុន្តែលោកមិនអាចបង្ហាញតាក់ទិកនេះបានទេ ព្រោះខ្លាចបែកធ្លាយដល់គូប្រកួតរបស់ខ្លួន៕

គួររម្លឹកថា វៀតណាម ទើបតែមាន ២ពិន្ទុប៉ុណ្ណោះ ដោយ ២ប្រកួតស្មើទាំង២ គឺស្មើហ្សកដានី ០-០ និង ស្មើអាហ្វហ្គានីស្ថាន ១-១ ។ ចំណែក កម្ពុជា ចាញ់ ១ និង ឈ្នះ ១ មាន ៣ពិន្ទុ (ចាញ់ហ្សកដានី ៧-០)៕

ប្រភព៖ Bongdanet ប្រែសម្រួល៖ លាភ.