គ្រូកម្ពុជា៖ វៀតណាមពូកែ៣នាក់ តែកម្ពុជាមិនអាចប្រហែសកីឡាករ៧នាក់ទៀតបានទេ
- 2017-09-05 06:51:19
- ចំនួនមតិ 0 | ចំនួនចែករំលែក 0
គ្រូកម្ពុជា៖ វៀតណាមពូកែ៣នាក់ តែកម្ពុជាមិនអាចប្រហែសកីឡាករ៧នាក់ទៀតបានទេ
ចន្លោះមិនឃើញ
វៀតណាម មានកីឡាករ ៣នាក់ ដែលអាចចាត់ទុកបានថា ជា Keyplayer ដ៏សំខាន់ក្នុងការប្រកួតទល់នឹងក្រុមគោព្រៃកម្ពុជា ប៉ុន្តែម្ចាស់ផ្ទះក៏មិនអាចមានការធ្វេសប្រហែសចំពោះកីឡាករ ៧នាក់ផ្សេងទៀតរបស់វៀតណាមដែរ។ នេះជាការលើកឡើងរបស់លោក Leonardo Vitorino គ្រូបង្វឹកក្រុមគោព្រៃកម្ពុជា។
កីឡាករ ៣នាក់នោះ គឺខ្សែប្រយុទ្ធ Nguyen Cong Phuong ដែលស៊ុតបាន ១០គ្រាប់ក្នុង ១៦ប្រកួតនៃលីគកំពូលវៀតណាម, ខ្សែបម្រើ Luong Xuan Truong មកពីក្រុម Gangwon FC នៅកូរ៉េខាងត្បូង និងខ្សែបម្រើប្រយុទ្ធ ដែលជាប្រធានក្រុម Nguyen Van Quyet។ ទោះជាយ៉ាងណា លោក Leonardo បានបញ្ជាក់ថា ប្រសិនបើលោកឲ្យកូនក្រុមបិទតែកីឡាករ ៣នាក់នេះ ដូច្នេះកីឡាករវៀតណាម ៧នាក់ផ្សេងទៀត នឹងមានឱកាសដើម្បីបង្កើតគ្រាប់បាល់មកលើកម្ពុជា។
អតីតគ្រូបង្វឹករបស់ក្រុម Lanexang United របស់ឡាវរូបនេះបន្ថែមថា កម្ពុជានឹងខិតខំឲ្យកាន់តែខ្លាំងឡើងថែមទៀត ដើម្បីយកឈ្នះលើក្រុមខ្លាំងវៀតណាម។ លោកសង្ឃឹមថា ល្ងាចនេះ អ្នកគាំទ្រកម្ពុជា នឹងបានឃើញការប្រកួតមួយដ៏ល្អ។
សូមរម្លឹកថា ក្រុមគោព្រៃកម្ពុជា នឹងទទួលក្រុមវៀតណាម ក្នុងការប្រកួតវគ្គជម្រុះ AFC Asian Cup 2019 វេលាម៉ោង ៦:៣០ នាទីល្ងាចនេះ៕
អត្ថបទពាក់ព័ន្ធ
លោក Leonardo ពន្យល់ដល់ទស្សនៈដែលចាត់ទុក ចាន់ វឌ្ឍនាកា ជា Messi កម្ពុជា
កែវ សុខផេង សង្ឃឹមខ្ពស់ថា កម្ពុជានឹងយកឈ្នះវៀតណាម ថ្ងៃស្អែក