រុស្ស៊ី រៀបចំប្ដឹងអាមេរិក ពាក់ព័ន្ធការរំលោភច្បាប់ការទូត

2017-09-06 04:30:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្រ្តីការបរទេសរុស្ស៊ី លោក Sergey Lavrov បានលើកឡើងថា រដ្ឋាភិបាលក្រុងមូស្គូ កំពុងរៀបចំនីតិវិធី ដើម្បីប្ដឹងរដ្ឋាភិបាលក្រុងវ៉ាស៊ីនតោន ដែលបានដកហូតទ្រព្យសម្បត្តិរបស់កុងស៊ុលរុស្ស៊ី នៅក្នុងទឹកដីរបស់អាមេរិក។ នេះបើតាមការបញ្ជាក់របស់ក្រសួងការបរទេសរុស្ស៊ី ក្រោយជំនួបតាមទូរសព្ទរវាងរដ្ឋមន្រ្តីការបរទេសរុស្ស៊ី និងរដ្ឋមន្រ្តីការបរទេសអាមេរិក Rex Tillerson។

រដ្ឋមន្រ្តីការបរទេសរុស្ស៊ី លោក Sergey Lavrov (ឆ្វេង) និងរដ្ឋមន្រ្តីការបរទេសអាមេរិក លោក Rex Tillerson (ស្ដាំ)

គម្រោងប្ដឹងរបស់រុស្ស៊ីនេះ គឺក្រោយសេតវិមានអាមេរិក កាលពីថ្ងៃទី៣១ សីហា ២០១៧ បានទុកពេល ៧២ម៉ោង ឲ្យមន្រ្តីកុងស៊ុលរុស្ស៊ីនៅក្រុងសាន់ហ្វ្រាន់ស៊ីស្កូ ចាកចេញពីទីនោះ។ ខាងភាគីរុស្ស៊ីបញ្ជាក់ថា ក្រោយការចាកចេញ កុងស៊ុលនោះ ត្រូវបានខាងភាគីអាមេរិកបើកការស្រាវជ្រាវ ដែលនេះ រំលោភលើអនុសញ្ញាទីក្រុងវ្យែន ស្ដីពីទំនាក់ទំនងការទូត។

ចំណែកប្រធានាធិបតីរុស្ស៊ី កាលពីថ្ងៃទី០៥ ខែកញ្ញា ម្សិលមិញ ប្រធានាធិបតីរុស្ស៊ី វ្លាឌីមៀ ពូទីន ក៏បានព្រមានបណ្ដេញមន្រ្តីទូតអាមេរិកនៅក្នុងប្រទេសរុស្ស៊ីបន្ថែមទៀត ដោយមកនៅត្រឹមចំនួន ១៥៥នាក់ប៉ុណ្ណោះ ជាការឆ្លើយតបនឹងការបិទកុងស៊ុលរុស្ស៊ីចំនួន ៣កន្លែង នៅក្នុងទឹកដីអាមេរិក៕

ប្រភព៖ RT ប្រែសម្រួល៖ វាសនា