រសៀលនេះ U18 កម្ពុជា សងសឹក U18 ទីម័រ ដែលខ្លួនធ្លាប់ចាញ់៤ឆ្នាំមុន
- 2017-09-06 06:26:08
- ចំនួនមតិ 0 | ចំនួនចែករំលែក 0
រសៀលនេះ U18 កម្ពុជា សងសឹក U18 ទីម័រ ដែលខ្លួនធ្លាប់ចាញ់៤ឆ្នាំមុន
ចន្លោះមិនឃើញ
ក្រុមបាល់ទាត់ U18 កម្ពុជា នឹងត្រូវតតាំងជាមួយក្រុម U18 ទីម័រខាងកើត វេលាម៉ោង ៣:៣០ នាទីរសៀលថ្ងៃទី៦កញ្ញានេះ ក្នុងវគ្គសន្សំពិន្ទុ ពូល A ការប្រកួតទីពីរ នៃព្រឹត្តិការណ៍ជើកឯកយុវជនអាស៊ានអាយុក្រោម ១៨ឆ្នាំ (2017 AFF U18 Youth Championship) នៅប្រទេសមីយ៉ាន់ម៉ា។
កាលពីជំនួបចុងក្រោយ ក្នុងព្រឹត្តិការណ៍នេះកាលពីឆ្នាំ២០១៣ កម្ពុជា ធ្លាប់បានទទួលបរាជ័យក្រោមថ្វីជើងទីម័រខាងកើត ដោយលទ្ធផល ១-៣ ក្នុងវគ្គសន្សំពិន្ទុ។ ចំណែក ក្នុងការប្រកួតទីមួយនៅឆ្នាំ២០១៧ នេះ កម្ពុជា ទើបតែចាញ់ សិង្ហបុរី ដោយលទ្ធផល ៥-៣ ខណៈទីម័រខាងកើត ទទួលបរាជ័យក្រោមថ្វីជើងក្រុមថៃ ក្នុងលទ្ធផល ៣-០។
កម្ពុជា កំពុងឈរនៅលេខ ៤បណ្ដោះអាសន្ន ដោយខាតគ្រាប់បាល់ ២គ្រាប់។ រីឯ ទីម័រខាងកើត ស្ថិតនៅបាតតារាង ខាតគ្រាប់បាល់ ៣គ្រាប់។
នៅថ្ងៃនេះដែរ ពូល A មានក្រុម ម៉ាឡេស៊ី ប៉ះ សិង្ហបុរី ប្រកួតម៉ោងជាមួយគ្នា និងជំនួបរវាងក្រុមឡាវ ជាមួយ ថៃ នៅម៉ោង ៦:៣០ នាទីល្ងាច៕