រុស្ស៊ីចាយ ១០ម៉ឺនដុល្លារ ផ្សាយព័ត៌មានបំប៉ោងលើ Facebook អំឡុងពេលបោះឆ្នោតអាមេរិក
- 2017-09-07 06:53:25
- ចំនួនមតិ 0 | ចំនួនចែករំលែក 0
រុស្ស៊ីចាយ ១០ម៉ឺនដុល្លារ ផ្សាយព័ត៌មានបំប៉ោងលើ Facebook អំឡុងពេលបោះឆ្នោតអាមេរិក
ចន្លោះមិនឃើញ
ក្រុមហ៊ុនបណ្ដាញសង្គមជាច្រើន ត្រូវគេរិះគន់ថា បានផ្សព្វផ្សាយនូវព័ត៌មានមិនពិត ដែលប៉ះពាល់ដល់ការបោះឆ្នោតរើសប្រធានាធិបតីអាមេរិក កាលពីឆ្នាំ២០១៦កន្លងទៅ។ ផ្សាភ្ជាប់នឹងបញ្ហានេះ Facebook កាលពីពេលថ្មីនេះ បានរកឃើញថា អំឡុងពេលបោះឆ្នោតនៅអាមេរិក ខ្លួនបានទទួលការទិញពាណិជ្ជកម្ម ដើម្បីដាក់ផ្សាយព័ត៌មានក្នុងតម្លៃ ១០ម៉ឺនដុល្លារ ចន្លោះពីខែមិថុនា ឆ្នាំ២០១៥ ដល់ខែឧសភា ឆ្នាំ២០១៧។
បណ្ដាញសង្គមយក្សមួយនេះ ក៏បញ្ជាក់ដែរថា ផ្ទាំងពាណិជ្ជកម្មព័ត៌មានទាំងនោះ មានចំនួន ៣០០០ ហើយផ្សព្វផ្សាយនៅលើគណនី និងទំព័រហ្វេសប៊ុក ចំនួន ៤៧០ ដែលមានប្រភពចេញពីប្រទេសរុស្ស៊ី។ ប្រធានបទនៃព័ត៌មាន រួមមាន អន្តោប្រវេសន៍ ការរើសអើង និងសិទ្ធិសេរីភាពសម្រាប់ភេទទី៣។ យ៉ាងណាមិញ ព័ត៌មានទាំងនោះមិនបានបង្ហាញពីការគាំទ្រទៅលើគណបក្សឈរឈ្មោះមួយណាឲ្យប្រាកដនោះទេ។
ប្រធានផ្នែកសុវត្ថិភាពរបស់ Facebook លោក Alex Stamos និយាយថា សម្រាប់ការរកឃើញនេះ ត្រូវបានរាយការណ៍ទៅអាជ្ញាធរអាមេរិកហើយ ដើម្បីស៊ើបអង្កេត៕