ដើមខ្នុរ វត្ថុធាតុដើមសម្រាប់ផលិតឧបករណ៍ភ្លេងបុរាណខ្មែរច្រើនប្រភេទ

2017-09-09 08:00:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូភ្លេង និងជាជាងធ្វើឧបករណ៍ភ្លេងបុរាណ លោក យិន វណ្ណា បានប្រាប់ដល់ភ្នាក់ងារសារព័ត៌មាន Sabay ថា ដើមខ្នុរជាប្រភេទឈើល្អបំផុត ដែលអាចធ្វើជាឧបករណ៍ភ្លេងបុរាណបានច្រើនប្រភេទ។

លោកថា ដើមវាអាចយកទៅធ្វើឧបករណ៍ភ្លេងដូចជា ស្គរតូច ស្គរឆៃយ៉ាំ ស្គររមនា តាខេ ស្នូកចាប៉ីដងវែង ឃឹម ពិណ ស្នូករនាត ទ្រអ៊ូ ទ្រសោ ជាដើម។

«បើនិយាយពីឈើមួយនេះ ធ្វើបានច្រើនណាស់ សឹងតែគ្រប់ឧបករណ៍ទាំងអស់ តែអាស្រ័យទៅតាមចំណូលចិត្តអ្នកធ្វើឧបករណ៍នីមួយៗដែរ ថាគេចង់យកវាទៅធ្វើអត់។ ពីដើមគេនិយមយកឈើនេះ ធ្វើឧបករណ៍ភ្លេងណាស់ សូម្បីស្គរធំៗ នៅតាមវត្តក៏គេយកវាធ្វើដែរ ព្រោះវាស្រាល ពណ៌ស្អាត ជាពិសេសនោះវាមានសំឡេងល្អ ហើយឮខ្លាំង»។

ជាមួយគ្នានេះដែរ ឧបករណ៍ពិណធ្វើពីដើមខ្នុរ គឺមានគុណភាពល្អលេខមួយ។ នេះជាការអះអាងរបស់លោក កែវ សុនន្ទកវី សាស្ត្រាចារ្យនៅសាលាភូមិន្ទវិចិត្រសិល្បៈ ស្ថិតក្នុងត្រកូលអ្នកភ្លេង ៥ជំនាក់ និងជាជាងធ្វើឧបករណ៍ពិណ។

យោងតាមសៀវភៅ "តន្ត្រីនៅប្រទេសកម្ពុជា” រៀបរៀងដោយអ្នកស្រី កែវ ណារុំ ក៏បានបញ្ជាក់ដែរថា ដើមឈើមួយប្រភេទនេះ អាចយកទៅធ្វើឧបករណ៍ភ្លេងខ្មែរបុរាណបានច្រើនប្រភេទ៕

អត្ថបទ៖ ប៉ូ សាគុន

ប្រភព៖ Sabay News ប្រែសម្រួល៖ លាភ.