នាយករដ្ឋមន្ត្រីថៃ ជំរុញអ្នកវិនិយោគជប៉ុនជិត ៦០០នាក់ ដាក់ទុននៅច្រករបៀងសេដ្ឋកិច្ច
- 2017-09-12 03:09:23
- ចំនួនមតិ 0 | ចំនួនចែករំលែក 0
នាយករដ្ឋមន្ត្រីថៃ ជំរុញអ្នកវិនិយោគជប៉ុនជិត ៦០០នាក់ ដាក់ទុននៅច្រករបៀងសេដ្ឋកិច្ច
ចន្លោះមិនឃើញ
ក្នុងជំនួបជាមួយក្រុមអ្នកវិនិយោគជប៉ុនចំនួន ៥៧០នាក់ លោកនាយករដ្ឋមន្ត្រីថៃ ប្រាយុទ ចាន់អូចា បានបញ្ជាក់ថា រដ្ឋាភិបាលថៃបានដាក់ចេញនូវគោលនយោបាយជំរុញឲ្យមានការវិនិយោគនៅតំបន់ច្រករបៀងសេដ្ឋកិច្ចភាគខាងកើត ក៏ដូចជាការវិនិយោគក្នុងគម្រោងហេដ្ឋារចនាសម្ព័ន្ធធំៗក្នុងប្រទេសថៃផងដែរ។ ការបញ្ជាក់របស់ប្រមុខរដ្ឋាភិបាលថៃដូច្នេះ បានធ្វើឡើងក្នុងជំនួបជាមួយក្រុមអ្នកវិយោគជប៉ុន ដែលត្រូវបានដឹកនាំដោយរដ្ឋមន្រ្តីក្រសួងសេដ្ឋកិច្ច ពាណិជ្ជកម្ម និងឧស្សាហកម្មជប៉ុន លោក Hiroshige Seko ដែលបានធ្វើទស្សនកិច្ចទៅប្រទេសថៃ កាលពីថ្ងៃទី១១ ខែកញ្ញា ម្សិលមិញ។
លោក ប្រាយុទ បានបញ្ជាក់ប្រាប់ក្រុមអ្នកវិនិយោគជប៉ុនទៀតថា រដ្ឋាភិបាលថៃគ្រោងនឹងអភិវឌ្ឍនៅតំបន់ច្រករបៀងសេដ្ឋកិច្ចភាគខាងកើត ឲ្យទៅជាតំបន់សេដ្ឋកិច្ចថ្មី ដោយមានការដំឡើងបច្ចេកវិទ្យា ដែលមានការវិនិយោគក្នុងទំហំទឹកប្រាក់ប្រមាណជិត ២០ពាន់លានដុល្លារ។
សូមបញ្ជាក់ថា ច្រករបៀងសេដ្ឋកិច្ចភាគខាងកើតរបស់ថៃ គឺមាននៅក្នុងខេត្តចំនួន៣ របស់ថៃ ដែលនៅភាគខាងកើត គឺខេត្តឈុនបូរី ខេត្តរ៉ាក់យ៉ង និងខេត្ត Chachoengsao៕