Xiaomi ចេញស្មាតហ្វូនកំពូលអេក្រង់ ៦អ៊ីញ លាតសន្ធឹងស្ទើរគ្មានគែមសងខាង
- 2017-09-12 04:13:01
- ចំនួនមតិ 0 | ចំនួនចែករំលែក 0
Xiaomi ចេញស្មាតហ្វូនកំពូលអេក្រង់ ៦អ៊ីញ លាតសន្ធឹងស្ទើរគ្មានគែមសងខាង
ចន្លោះមិនឃើញ
ក្រោយការទន្ទឹងរង់ចាំអស់មួយរយៈ Xiaomi Mi Mix 2 បង្ហាញវត្តមានជាផ្លូវការហើយ កាលពីយប់មិញនេះ។
វាជាស្មាតហ្វូនអេក្រង់ ៥,៩៩អ៊ីញ មាន Resolution 2160x1080p តូចជាង Mi Mix ចេញកាលពីឆ្នាំមុន ដែលមានទំហំធំដល់ទៅ ៦,៤អ៊ីញ។ ដូចដែលឃើញនៅរូបខាងក្រោម អេក្រង់របស់ Mi Mix 2 មានសភាពកោង ហើយលាតសន្ធឹងពាសពេញផ្ទៃខាងមុខ សឹងតែគ្មានគែមនៅសងខាងទាល់តែសោះ។
Mi Mix 2 ដំណើរការដោយបន្ទះឈីបស៊េរីខ្ពស់ Snapdragon 835 និង RAM ២ជម្រើសគឺ 6GB និង 8GB។ ទំហំផ្ទុកទិន្នន័យមាន 64GB, 128GB និង 256GB។ អ្វីដែលគួរឲ្យសោកស្ដាយគឺថា វាមិនមានបំពាក់កាមេរ៉ាភ្លោះនោះទេ។ កាមេរ៉ាក្រោយរបស់ Mi Mix 2 ទំហំ 12MP ប្រភេទ Sony IMX386 មានប្រព័ន្ធទប់លំញ័រ OIS (4-axis) ដូចនឹង Mi 6 អ៊ីចឹងដែរ។ ខាងមុខវិញទំហំ 5MP។
កម្លាំងថ្ម 3400mAh បំពាក់បច្ចេកវិទ្យាសាកថ្មរហ័ស Quick Charge 3.0។ ស្មាតហ្វូនថ្មីនេះ នឹងដាក់លក់ក្នុងតម្លៃចាប់ពី ៥០២ដុល្លារ ដល់ ៦០៩ដុល្លារ៕