Champions League ចាប់ផ្ដើមយប់នេះ ខណៈគូពិសេស Barcelona ប៉ះ Juventus
- 2017-09-12 06:59:22
- ចំនួនមតិ 0 | ចំនួនចែករំលែក 0
Champions League ចាប់ផ្ដើមយប់នេះ ខណៈគូពិសេស Barcelona ប៉ះ Juventus
ចន្លោះមិនឃើញ
ក្រុមអ្នកមានបុណ្យ Barcelona នឹងបើកទ្វារកីឡដ្ឋានរបស់ខ្លួន ស្វាគមន៍ក្រុម Juventus ក្នុងការប្រកួតទីមួយ វគ្គសន្សំពិន្ទុ ពូល D ពានរង្វាន់ UEFA Champions League វេលាម៉ោង ១:៤៥ នាទីរំលងអាធ្រាត្រ ឈានចូលថ្ងៃទី១៣ ខែកញ្ញា ឆ្នាំ២០១៧។
កីឡាករដែលគ្រូបង្វឹកទំនងជាដាក់លេងយប់នេះ
Barcelona៖ អ្នកចាំទី (Ter Stegen) ខ្សែការពារ (Semedo, Pique, Umtiti, Alba) ខ្សែបម្រើ (Rakitic, Busquets, Iniesta) ខ្សែប្រយុទ្ធ (Dembele, Suarez, Messi)។ អវត្តមានកីឡាករ៖ Turan, Paco Alcacer។
Juventus៖ អ្នកចាំទី (Buffon) ខ្សែការពារ (Barzagli, Benatia, Rugani, Alex Sandro) ខ្សែបម្រើ (Matuidi, Pjanic, Sturaro, Douglas Costa, Dybala) ខ្សែប្រយុទ្ធ (Hiquain) ។ អវត្តមានកីឡាករ៖ Cuadrado, Marchisio, Khedira, Chiellini, Mandzukic ។
សម្ដីគ្រូបង្វឹក
លោក Ernesto Valverde គ្រូបង្វឹក Barcelona៖ «Juventus ជាក្រុមខ្លាំង ហើយពួកគេធ្លាប់ទម្លាក់ពួកយើងកាលពីរដូវកាលមុន។ ពួកគេគ្រប់គ្រងបាល់បានល្អ និងដាក់សម្ពាធដល់ពួកយើងនៅលើទីលាន។ នៅពេលខ្សែប្រយុទ្ធរបស់ពួកគេសហការគ្នាបានល្អ ក្រុមនេះអាចបង្កគ្រោះថ្នាក់បានគ្រប់ពេល។ នេះជាការប្រកួតរវាងក្រុមខ្លាំងពីរនៅទ្វីបអឺរ៉ុប»។
លោក Massimiliano Allegri គ្រូបង្វឹក Juventus៖ «ក្រុមរបស់ពួកយើងមិនទាន់ពេញជើងល្អទេ ហើយពួកយើងកំពុងតែចាប់ផ្ដើម។ គោលដៅ គឺត្រូវទៅដល់ខែមីនា ហើយត្រូវធ្វើយ៉ាងណាប្រកួតគ្រប់កម្មវិធីទាំងបី។ ឆ្នាំនេះ Juventus មានការផ្លាស់ប្ដូរខ្លះៗ ប៉ុន្តែពួកយើងបានត្រៀមខ្លួនរួចជាស្រេច។ ក្រៅពី Real Madrid (Barcelona) ជាក្រុមដែលអាចឈ្នះពាន Champions League»។
ការពិតរវាង Barcelona Vs Juventus
កាលពីរដូវកាលមុន Barcelona ធ្លាក់ត្រឹមវគ្គ ៨ក្រុមចុងក្រោយ ដោយ Juventus លទ្ធផលពីរជើង ៣-០ ។
Barcelona មិនទាន់ស្គាល់ពាក្យថាចាញ់ចំនួន ២១ប្រកួត នៅក្នុងទឹកដី ក្នុងកម្មវិធី Champions League។
ក្នុងទឹកដី ១១ប្រកួតកន្លងទៅ Barcelona មិនធ្លាប់ចាញ់ក្រុមមកពីអ៊ីតាលីឡើយ ក្នុងនោះ ឈ្នះ ៨ និងស្មើ ៣ ចាប់ពីឆ្នាំ២០០៣។
Juventus ធ្លាប់ឈ្នះ ៣-១ លើក្រុម Sevilla កាលពីឆ្នាំទៅ និងជាជ័យជម្នះតែម្ដងគត់ ក្នុងការប្រកួតនៅទឹកដីរបស់ក្រុមមកពីលីគកំពូលអេស្ប៉ាញ។ កំណត់ត្រាលេងក្រៅទឹកដីរបស់ Juventus ទល់នឹងក្រុម La Liga គឺ ឈ្នះ ៤ ស្មើ ៦ និងចាញ់ ១៥៕