Fan របស់ Apple តម្រង់ជួរចាំទិញ iPhone ស៊េរីថ្មី មុន១០ថ្ងៃនៃការចេញលក់
- 2017-09-12 08:22:34
- ចំនួនមតិ 0 | ចំនួនចែករំលែក 0
Fan របស់ Apple តម្រង់ជួរចាំទិញ iPhone ស៊េរីថ្មី មុន១០ថ្ងៃនៃការចេញលក់
ចន្លោះមិនឃើញ
អ្នកគាំទ្រផ្កាប់មុខរបស់ក្រុមហ៊ុនផ្លែប៉ោម Apple បានចាប់ផ្ដើមនាំគ្នាតម្រង់ជួរ នៅមុខ Apple Store នៅទីក្រុងស៊ីដនី ប្រទេសអូស្ត្រាលី ដើម្បីរង់ចាំទិញ iPhone ស៊េរីថ្មី ដែល Apple នឹងប្រកាសបង្ហាញជាផ្លូវការនៅយប់នេះ នាទីក្រុង New York សហរដ្ឋអាមេរិក ត្រូវនឹងម៉ោង ១២អាធ្រាត្រ ឈានចូលថ្ងៃទី១៣ ខែកញ្ញា ឆ្នាំ២០១៧។
គេរំពឹងថា Apple នឹងបញ្ចេញលក់ iPhone ស៊េរីថ្មី នៅថ្ងៃទី២២ ខែកញ្ញា ឆ្នាំ២០១៧ ពោលគឺរយៈពេល ១០ថ្ងៃ ក្រោយពីមានការតម្រង់ជួរចាំទិញរបស់ Fan ជាច្រើននាក់។ អ្នកគាំទ្រ iPhone ដែលឈរនៅលេខរៀងទីមួយ ឈ្មោះ Mazen Kourouche បានប្រាប់ដល់អ្នកសារព័ត៌មានថា ខ្លួននឹងទិញយក iPhone ស៊េរីថ្មី ដើម្បីថតជាវីដេអូ Review បង្ហោះលើ Channel របស់ខ្លួននៅលើ YouTube ។
Kourouche ធ្លាប់ទទួលបានអាហារូបករណ៍នៅក្នុងព្រឹត្តិការណ៍សន្និសីទសារព័ត៌មានសម្រាប់អ្នកបង្កើតកម្មវិធីរបស់ Apple កាលពីឆ្នាំ២០១៦។ យុវជនអាយុ ២០ឆ្នាំរូបនេះ បានបង្កើតកម្មវិធីចំនួន ៨ រួចមកហើយ ដើម្បីដាក់នៅក្នុង Apple Store ៕