លោកស្រី អ៊ុងសាន ស៊ូជី មិនទៅចូលរួមមហាសន្និបាតអង្គការសហប្រជាជាតិទេ

2017-09-13 04:41:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មេដឹកនាំមីយ៉ាន់ម៉ា លោកស្រី អ៊ុងសាន ស៊ូជី នឹងមិនទៅចូលរួមមហាសន្និបាតអង្គការសហប្រជាជាតិ នៅបុរីញូយ៉ក នាខែចុងខែកញ្ញា ឆ្នាំ២០១៧។ នេះបើតាមការបញ្ជាក់របស់អ្នកនាំពាក្យបក្សកាន់អំណាចមីយ៉ាន់ម៉ា នៅថ្ងៃទី១៣ ខែកញ្ញា ២០១៧នេះ។

ទោះយ៉ាងណាអ្នកនាំពាក្យរូបនោះ ពុំបានបញ្ជាក់ឲ្យច្បាស់ពីមូលហេតុ ដែលលោកស្រី អ៊ុងសាន ស៊ូជី មិនទៅចូលរួមមហាសន្និបាតអង្គការសហប្រជាជាតិនោះទេ។ លោកលើកឡើងថា "លោកស្រីមិនដែលខ្លាចការប្រឈមមុខនឹងការរិះគន់ ឬការប្រឈមមុខនឹងបញ្ហាឡើយ។ លោកស្រីប្រហែលមានបញ្ហាជាច្រើននៅក្នុងប្រទេស ដើម្បីដោះស្រាយ"។

ការមិនទៅចូលរួមក្នុងមហាសន្និបាតអង្គការសហប្រជាជាតិនេះ គឺក្រោយមានការផ្ទុះអំពើហិង្សាសាជាថ្មី រវាងកងទ័ពមីយ៉ាន់ម៉ា និងក្រុមឧទ្ទាមរ៉ូហ៊ីងយ៉ាង ដែលបណ្ដាលឲ្យជនជាតិភាគតិចរ៉ូហ៊ីងយ៉ា ប្រមាណ ៣៧០ ០០០នាក់ បានភៀសខ្លួនទៅប្រទេសបង់ក្លាដេស។ ក្រោយការផ្ទុះអំពើហិង្សានេះ លោកស្រី អ៊ុងសាន សូជី ក៏បានទទួលការរិះគន់ពីក្រុមសិទ្ធិមនុស្ស និងសហគមន៍អន្តរជាតិយ៉ាងចាស់ដៃផងដែរ៕