Ronaldo បានចូលលេងឲ្យ Real Madrid វិញពេលប៉ះ APOEL យប់នេះ
- 2017-09-13 06:55:31
- ចំនួនមតិ 0 | ចំនួនចែករំលែក 0
Ronaldo បានចូលលេងឲ្យ Real Madrid វិញពេលប៉ះ APOEL យប់នេះ
ចន្លោះមិនឃើញ
Real Madrid នឹងទទួលក្រុមភ្ញៀវ APOEL ដើម្បីស្វែងរកជ័យជម្នះ នៅក្នុងការប្រកួតបើកឆាកវគ្គសន្សំពិន្ទុ ពូល H ពានរង្វាន់ UEFA Champions League វេលាម៉ោង ១:៤៥ នាទីរំលងអាធ្រាត្រ ឈានចូលថ្ងៃទី១៣ ខែកញ្ញា ឆ្នាំ២០១៧។
Cristiano Ronaldo នឹងត្រឡប់មកជួយក្រុមវិញ ដោយការជាប់ពិន័យ គឺសម្រាប់តែក្នុងក្របខ័ណ្ឌ La Liga ប៉ុណ្ណោះ។ លោក Zidane គ្រូបង្វឹក Real Madrid អាចប្រើទម្រង់លេង ៤-៣-៣ ខណៈ Isco លេងនៅស្លាបឆ្វេង Bale នៅស្លាបស្ដាំ ចំណែក Ronaldo ជាខ្សែប្រយុទ្ធជួរមុខ។
កីឡាករដែលទំនងជាអាចចូលលេងយប់នេះ
Real Madrid៖ អ្នកចាំទី (Keylor Navas); ខ្សែការពារ (Carvajal, Varane, Ramos, Marcelo); ខ្សែបម្រើ (Casemiro, Kroos, Moric); ខ្សែប្រយុទ្ធ (Isco, Ronaldo, Bale) ។
APOEL៖ អ្នកចាំទី (Waterman); ខ្សែការពារ (Milanov, Rueda, Carlao, Lago); ខ្សែបម្រើ (Vinicius, Morais, Ebecilio, Oar, Alonefitis); ខ្សែប្រយុទ្ធ (Camargo) ។
ការពិតមួយចំនួន
Real Madrid មិនធ្លាប់ចាញ់ក្នុងដីរបស់ខ្លួន នៅក្នុងព្រឹត្តិការណ៍ UEFA Champions League ឡើយ ចាប់តាំងពីថ្ងៃទី២១ ខែតុលា ឆ្នាំ២០០៩។ កំណត់ត្រាប្រកួតក្នុងផ្ទះចាប់តាំងពីឆ្នាំដដែល Real Madrid ធ្លាប់ឈ្នះ២០ និងស្មើ ២ ។
APOEL ធ្លាប់ចាញ់ ៥ប្រកួត ក្នុងចំណោម ៧ប្រកួតនៅក្រៅដី ក្នុងព្រឹត្តិការណ៍ UEFA Champions League ។
ប្រកួត ៨ដងនៅទឹកដីអេស្ប៉ាញ APOEL ចាញ់ ៧ដង និងស្មើ ១ដង កាលពីឆ្នាំ២០១០ ក្នុងវគ្គសន្សំពិន្ទុ៕