ក្រសួងមហាផ្ទៃ នឹងបង្កើតក្រុមចល័ត ចុះធ្វើអត្តសញ្ញាណប័ណ្ណគំរូថ្មី
- 2017-09-13 08:24:20
- ចំនួនមតិ 0 | ចំនួនចែករំលែក 0
ក្រសួងមហាផ្ទៃ នឹងបង្កើតក្រុមចល័ត ចុះធ្វើអត្តសញ្ញាណប័ណ្ណគំរូថ្មី
ចន្លោះមិនឃើញ
សម្តេច ស ខេង រដ្ឋមន្ត្រីក្រសួងមហាផ្ទៃ បានបញ្ជាក់ថា ក្រសួងនឹងបង្កើតក្រុមចល័តចុះទៅតាមភូមិ ឃុំ ឬមូលដ្ឋានរស់នៅរបស់ប្រជាពលរដ្ឋដោយផ្ទាល់ ដើម្បីធ្វើអត្តសញ្ញាណប័ណ្ណសញ្ជាតិខ្មែរគំរូថ្មី ជូនប្រជាពលរដ្ឋខ្មែរឲ្យគ្រប់ ១០លាននាក់នៅក្នុងឆ្នាំ២០១៧។ ការបញ្ជាក់នេះ បានធ្វើឡើងនៅក្នុងសិក្ខាសាលាផ្សព្វផ្សាយ និងដាក់ឲ្យអនុវត្តអនុក្រឹត្យ និងលិខិតបទដ្ឋានស្តីពីការបង្កើតយន្តការច្រកចេញចូលតែមួយ និងការបង្កើតការិយាល័យប្រជាពលរដ្ឋនៅរដ្ឋបាលថ្នាក់ក្រោមជាតិ កាលពីព្រឹកថ្ងៃទី១៣ ខែកញ្ញា ឆ្នាំ២០១៧ នៅទីស្ដីការក្រសួងមហាផ្ទៃ។
រដ្ឋមន្ត្រីមហាផ្ទៃបានបន្តថា ក្រសួងមហាផ្ទៃនឹងធ្វើជូនដល់ប្រជាពលរដ្ឋដែលមិនទាន់មានអត្តសញ្ញាណប័ណ្ណ និងអ្នកដែលកាន់អត្តសញ្ញាណប័ណ្ណសញ្ជាតិខ្មែរគំរូចាស់ ឲ្យមកប្តូរយកអត្តសញ្ញាណប័ណ្ណសញ្ជាតិខ្មែរគំរូថ្មីទាំងអស់។
មកដល់ពេលនេះ ក្រសួងបានធ្វើជូនប្រជាពលរដ្ឋបានប្រមាណជាង ៩លាន ៥សែននាក់ហើយ នៅសល់តែប្រមាណជា ៥សែននាក់ជាងតែប៉ុណ្ណោះ ដែលមិនទាន់បានធ្វើ៕