ស្ថានទូតអាមេរិក ចេញសារឲ្យប្រជាពលរដ្ឋរបស់ខ្លួននៅកម្ពុជា ប្រុងប្រយ័ត្ន

2017-09-14 02:25:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថានទូតអាមេរិកប្រចាំក្រុងភ្នំពេញ កាលពីយប់ថ្ងៃទី១៣ ខែកញ្ញា ម្សិលមិញ បានចេញសារសន្តិសុខដាស់តឿនប្រជាពលរដ្ឋរបស់ខ្លួន ដែលរស់នៅ ឬធ្វើដំណើរមកប្រទេសកម្ពុជា ឲ្យប្រុងប្រយ័ត្ន ដោយសារការកើនឡើងភាពតានតឹង និងវោហារសាស្ត្រប្រឆាំងអាមេរិក។

ស្ថានទូតអាមេរិកបញ្ជាក់ថា សារសន្ដិសុខនេះ គឺដើម្បីដាស់តឿនពលរដ្ឋអាមេរិក ដែលរស់នៅ ឬធ្វើដំណើរមកប្រទេសកម្ពុជា ពីការវិវត្តថ្មីៗ ដូចជាការចាប់ខ្លួនអ្នកនយោបាយ ការបណ្តេញអង្គការក្រៅរដ្ឋាភិបាលអាមេរិក និងបុគ្គលិកបរទេសរបស់ខ្លួន និងវោហារសាស្ត្រប្រឆាំងនឹងជនជាតិអាមេរិកដោយមន្ត្រី ដែលអាចបង្កើនភាពតានតឹងជាទូទៅនៅក្នុងប្រទេស។

ស្ថានទូតអាមេរិកបញ្ជាក់ទៀតថា ទោះបីស្ថានទូតមិនមានព័ត៌មានច្បាស់លាស់ទាក់ទងនឹងការធ្វើបាតុកម្ម ឬបញ្ហាសន្តិសុខ ដែលបានគ្រោងទុកនៅពេលនេះក៏ដោយ ស្ថានទូតស្នើពលរដ្ឋអាមេរិកទាំងអស់ឱ្យប្រុងប្រយ័ត្ន។

ជាមួយគ្នានេះផងដែរ ស្ថានទូតអាមេរិកបានលើកទឹកចិត្តឱ្យពលរដ្ឋរបស់ខ្លួន ជៀសវាងហ្វូងមនុស្សយ៉ាងច្រើន ហើយចាកចេញភ្លាមៗនៅកន្លែងដែលហ្វូងមនុស្សកំពុងប្រមូលផ្ដុំ៕

អត្ថបទ៖ សោភា