ក្រសួងសាធារណការ គ្រោងសង់ផ្លូវ៤គន្លង ឆ្លងកាត់ផ្លូវជាតិចំនួន ៥
- 2017-09-14 02:51:09
- ចំនួនមតិ 0 | ចំនួនចែករំលែក 0
ក្រសួងសាធារណការ គ្រោងសង់ផ្លូវ៤គន្លង ឆ្លងកាត់ផ្លូវជាតិចំនួន ៥
ចន្លោះមិនឃើញ
ក្រសួងសាធារណការ និងដឹកជញ្ជូន គ្រោងសាងសង់ផ្លូវក្រវាត់ក្រុងទី៣ មានផ្លូវ៤គន្លង ដោយភ្ជាប់ពីផ្លូវជាតិលេខ៥ ត្រង់ទំនប់កប់ស្រូវ ឆ្លងកាត់ផ្លូវជាតិលេខ៤ ផ្លូវជាតិលេខ៣ ផ្លូវជាតិលេខ២ និងបញ្ចប់ត្រឹមផ្លូវជាតិលេខ១។ នេះបើតាមការចេញផ្សាយរបស់ក្រសួងសាធារណការ កាលពីថ្ងៃទី១៣កញ្ញា។
កាលពីព្រឹកម្សិលមិញនេះ លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានដឹកនាំគណៈប្រតិភូ ចុះត្រួតពិនិត្យទីតាំងភូមិសាស្រ្តជាក់ស្តែង ដើម្បីសាងសង់ផ្លូវក្រវាត់ក្រុងទី៣ កំណាត់ផ្លូវទីមួយនេះ។
គម្រោងផ្លូវនេះ មានប្រវែងសរុបចំនួន ៥២គីឡូម៉ែត្រ ធ្វើពីបេតុងសរសៃដែក ដែលក្នុងនោះ ៤៧គីឡូម៉ែត្រជាផ្លូវ ៤គន្លង (២ទៅ ២មក) មានទទឹងប្រវែង ២៥ម៉ែត្រ ចំណែក៥គីឡូម៉ែត្រទៀត មាន ២គន្លងសម្រាប់ចូលទៅកាន់កំពង់ផែ។
ក្រសួងសាធារណការ បញ្ជាក់ថា ផ្លូវនេះមានអត្ថប្រយោជន៍ក្នុងការជួយកាត់បន្ថយការកកស្ទះចរាចរណ៍ ចំណេញពេលវេលាក្នុងការធ្វើដំណើរ ជាពិសេសជួយបញ្ចៀសរថយន្តដឹកជញ្ជូនទំនិញឆ្លងកាត់ទីក្រុង និងការតភ្ជាប់ផងដែរ៕