ឥណ្ឌា-ជប៉ុន ចុះកិច្ចព្រមព្រៀងទិញយន្តហោះ និងរឹតចំណងវិស័យយោធា-នុយក្លេអ៊ែរ
- 2017-09-14 03:42:43
- ចំនួនមតិ 0 | ចំនួនចែករំលែក 0
ឥណ្ឌា-ជប៉ុន ចុះកិច្ចព្រមព្រៀងទិញយន្តហោះ និងរឹតចំណងវិស័យយោធា-នុយក្លេអ៊ែរ
ចន្លោះមិនឃើញ
ឥណ្ឌា នឹងសម្រេចចុះកិច្ចព្រមព្រៀងក្នុងការទិញយន្តហោះ US-2 ពីប្រទេសជប៉ុន ក្នុងអំឡុងទស្សនកិច្ចរបស់លោក ស៊ីនហ្សូ អាបេ នាយករដ្ឋមន្រ្តីជប៉ុន នៅឥណ្ឌា ពីថ្ងៃទី១៣-១៤កញ្ញា។ ឥណ្ឌា គ្រោងទិញយន្តហោះនេះ ១២គ្រឿង សម្រាប់កងទ័ពជើងទឹក និង១៨គ្រឿងទៀត គឺជាការផលិតរួមគ្នារបស់ភាគីទាំង២ នៅឥណ្ឌា។
ដំណើរទស្សនកិច្ចរបស់លោក អាបេ មកកាន់ឥណ្ឌា ក៏ដោយសារតែប្រទេសទាំង២ មានក្តីបារម្ភចំពោះប្រទេសជិតខាងរៀងៗខ្លួនផងដែរ ជាពិសេសជប៉ុន មានការព្រួយបារម្ភចំពោះការសាកល្បងនុយក្លេអ៊ែរជាបន្តបន្ទាប់របស់កូរ៉េខាងជើង ដូច្នេះជប៉ុន ត្រូវការដៃគូយុទ្ធសាស្រ្តយោធា ជាចាំបាច់។
ឥណ្ឌា និងជប៉ុន ចង់ដើរតួនាទីដ៏សំខាន់ ក្នុងការអភិវឌ្ឍហេដ្ឋារចនាសម្ព័ន្ធ នៅអាស៊ី និងអាហ្វ្រិក ដើម្បីទប់ទល់នឹងឥទ្ធិពលរបស់ចិន ដែលធ្វើឡើងតាមរយៈគម្រោង «ខ្សែក្រវ៉ាត់១ វិថី១» នោះជាដើម៕