ប្រធានរដ្ឋសភាកម្ពុជា នឹងថ្លែងសន្ទរកឋាគន្លឹៈ ក្នុងមហាសន្និបាតសភាអាយប៉ាលើកទី៣៨

2017-09-14 06:25:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហេង សំរិន ប្រធានរដ្ឋសភា បានដឹកនាំគណៈប្រតិភូរដ្ឋសភាកម្ពុជា ទៅចូលរួមមហាសន្និបាតនៃសភាអាយប៉ា នៅឆ្នាំ២០១៧ នៅប្រទេសហ្វីលីពីន ធ្វើជាម្ចាស់ផ្ទះរៀបចំមហាសន្និបាតអាយប៉ា លើកទី៣៨ ចាប់ពីថ្ងៃទី១៤-២០ ខែកញ្ញា។

មហាសន្និបាតអន្តរសភាអាស៊ាន លើកទី៣៨ នាឆ្នាំនេះ ប្រារព្ធឡើងក្រោមប្រធានបទ "អាយប៉ា និងអាស៊ានរួមគ្នា ដើម្បីការផ្លាស់ប្ដូរសម្រាប់ទាំងអស់គ្នា"។

នៅក្នុងមហាសន្និបាតនោះដែរ នឹងមានកិច្ចប្រជុំជាច្រើន ដូចជា គណៈកម្មាធិការប្រតិបត្តិ កិច្ចប្រជុំគណៈកម្មាធិការសមាជិកសភាស្ត្រី គណៈកម្មាធិការនយោបាយ គណៈកម្មាធិការសេដ្ឋកិច្ច គណៈកម្មាធិការសង្គមកិច្ច គណៈកម្មាធិការរៀបចំ និងកិច្ចប្រជុំរវាងអាយប៉ាជាមួយបណ្តាប្រទេសសង្កេតការណ៍ជាដើម។

លោក ជាម យៀប បានឲ្យដឹងថា នៅក្នុងមហាសន្និបាតអាយប៉ា លើកទី៣៨ នៅហ្វីលីពីននោះដែរ សម្តេច ហេង សំរិន ប្រធានរដ្ឋសភាកម្ពុជា នឹងថ្លែងសន្ទរកឋាគន្លឹះចែករំលែកចំណេះដឹង និងបទពិសោធន៍ ដែលរដ្ឋសភា និងរាជរដ្ឋាភិបាលកម្ពុជា បានទទួលជោគជ័យ និងបញ្ជាក់អំពីស្មារតីពង្រឹងពង្រីកកិច្ចសហការជាមួយបណ្តាប្រទេសជាសមាជិកសភាអាយប៉ា ឲ្យមាន ការរីកចម្រើនលើគ្រប់វិស័យ ជាពិសេស សសរស្ដម្ភ ទាំង៣មាន វិស័យនយោបាយ សេដ្ឋកិច្ច និងសង្គមកិច្ច ដើម្បីឲ្យមានសុខសន្តិភាព រំដោះភាពក្រីក្ររបស់ប្រជាជនឲ្យទទួលបានជោគជ័យ។

មហាសន្និបាតអាយប៉ា លើកទី៣៨ និងបញ្ចូលប្រទេសសង្កេតការណ៍ចំនួន៣ ឲ្យចូលជាសមាជិកពេញសិទ្ធិនៃសភាអាយប៉ា រួមមានប្រទេសអ៊ុយក្រែន ប៉ាគីស្ថាន និងហ្សកហ្ស៊ី៕

អត្ថបទ៖ សោភា