រដ្ឋមន្ត្រីការបរទេស ឲ្យអាមេរិកពិចារណាឡើងវិញចំពោះការបញ្ជូនពលរដ្ឋខ្មែរត្រឡប់មកកម្ពុជាវិញ

2017-09-14 06:47:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា បានឲ្យសហរដ្ឋអាមេរិកធ្វើការពិចារណាឡើងវិញចំពោះការបញ្ជូនប្រជាពលរដ្ឋខ្មែរត្រឡប់មកកម្ពុជាវិញ។ លោកថា សហរដ្ឋអាមេរិកគ្រោងនឹងបញ្ជូនប្រជាពលរដ្ឋខ្មែរចំនួន ២៦នាក់ ត្រឡប់មកកម្ពុជាវិញ។ កម្ពុជាមិនជំទាស់ថា មិនទទួលយកនោះទេ និងកំពុងចរចាគ្នា និងរៀបចំកម្មវិធីជជែកឡើងវិញ ហើយបើសហរដ្ឋអាមេរិកមិនទទួលយកលក្ខខណ្ឌមនុស្សធម៌ មិនដឹងគិតយ៉ាងម៉េចទេ។

រដ្ឋមន្ត្រីក្រសួងការបរទេស បានបញ្ជាក់ថា ការផ្អាកលែងចេញទិដ្ឋាការប្រភេទ B1 ប្រភេទ B2 និងប្រភេទ B1/B2 ដល់មន្ត្រីនៃក្រសួងការបរទេសកម្ពុជា ដែលមានតួនាទីចាប់ពីថ្នាក់អគ្គនាយក រហូតដល់ថ្នាក់ដឹកនាំកំពូលនៃក្រសួងការបរទេស គឺដោយសារតែកម្ពុជាមិនទទួលយកប្រជាពលរដ្ឋខ្មែរ។

ជាមួយគ្នានេះ រដ្ឋមន្ត្រីក្រសួងការបរទេសកម្ពុជា ក៏បានសំណូមពរកុំឲ្យអាមេរិកចាត់ទុកប្រជាពលរដ្ឋខ្មែរជាសំរាម និងកុំយកមកបោះបង់ចោលដូចសំរាម។ ចំពោះអាមេរិកបដិសេធសំណើរបស់កម្ពុជា គឺជារឿងគួរឲ្យសោកស្ដាយ។ សហរដ្ឋអាមេរិកគួរតែពិចារណាឡើងវិញចំពោះបញ្ហានេះ។

ប្រមុខការទូតកម្ពុជាក៏បានបញ្ជាក់ថា កម្ពុជាមិនមានការរើសអើងជាមួយប្រទេសណាទាំងអស់។ រដ្ឋមន្ត្រីក្រសួងការបរទេសកម្ពុជា បានបញ្ជាក់ថា ក្នុងរយៈពេលជាង ១០ឆ្នាំមកនេះ អាមេរិកបញ្ចូលប្រជាពលរដ្ឋខ្មែរមកកម្ពុជាវិញជាង ៥០០នាក់ ដោយក្នុងនោះ មានជាង ២០នាក់ស្លាប់ ដោយសារជំងឺ ក្នុងនោះ មាន ៤នាក់ស្លាប់ ដោយសារការធ្វើអត្តឃាត ដោយបាត់សេចក្ដីសង្ឃឹម៕

អត្ថបទ៖ សោភា