ចង់ថតរូបភាពនៅទីងងឹតឲ្យស្អាត អាចអនុវត្តវិធីទាំងនេះបាន

2017-09-20 05:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដើម្បីផ្ដិតយករូបភាពបែបពន្លឺតិច (Low-Light) ឲ្យបានស្អាតគឺមិនមែនជាការងាយស្រួលនោះទេប្រសិនបើយើងមិនមានបច្ចេកទេស ឬគន្លឹះក្នុងការថត។ ដូចនេះដើម្បីទទួលបានរូបភាពដែលស្រស់ស្អាតជាលក្ខណៈ Low-Light អ្នកគួរតែអនុវត្តតាមវិធីសាស្ត្រដូចខាងក្រោម៖

ពេលវេលា៖ ពេលវេលាគឺសំខាន់ណាស់សម្រាប់ការថត Low-Lightឲ្យបានស្អាត។ ពេលវេលាដែលល្អបំផុតនោះគឺមួយម៉ោងបន្ទាប់ពីថ្ងៃរះ និងមួយម៉ោងមុនថ្ងៃលិច។ អ្នកអាចក្ដោបយកពេលវេលានេះ ដើម្បីថតបានរូបភាពដែលមានភាពស៊ីមេទ្រីគ្នារវាងពណ៌ និងពន្លឺបាន។

ធ្វើការ Focus ដោយខ្លួនឯង៖ នៅពេលដែលពន្លឺខ្សោយ ឡេន (Lens) របស់កាមេរ៉ាពិបាកក្នុងការធ្វើ Focus ដែលអាចធ្វើឲ្យទីតាំងនៃរូបភាពដែលអ្នកចង់ផ្ដិតយកនោះមានភាពងងឹតខ្លាំង។ ដូចនេះអ្នកគួរតែធ្វើការកំណត់ Focus (Manual focus) ដោយផ្ទាល់លើទីតាំងដែលអ្នកចង់បាន ដើម្បីកាត់បន្ថយភាពងងឹតដែលអាចកើតមានឡើង។

ជៀសវាងការប្រើ Flash៖ ភ្លើងដែលបាញ់ចេញពី Flash ភ្លឺខ្លាំងសម្រាប់រូបភាព Low-Light ដូចនេះធ្វើឲ្យលុបបាត់រូបភាព (Subject) ដែលយើងចង់បាន ហើយចេញស្រមោលច្បាស់ជំនួសវិញ។ ក្នុងករណីនេះ អ្នកគួរកំណត់មុខងារ Exposure និងកុំប្រើ Flash។ យើងគួរតែប្រើភ្លើងពិលដើម្បីជះពន្លឺស្រាលៗ ទៅលើ Subject ជំនួសវិញ។

ដាក់កាមេរ៉ាឲ្យនឹង៖ ការដាក់ឲ្យកាមេរ៉ាឲ្យនឹង គឺសំខាន់ណាស់សម្រាប់ថតរូប Low Light បើពុំនោះទេរូបនឹងចេញមកព្រិលមិនខាន។ ជាទូទៅគេប្រើជើងកាមេរ៉ា Tripod ប៉ុន្តែបើអ្នកមិនចង់ប្រើឧបករណ៍មួយនេះទេ អ្នកអាចដាក់លើតុ ឬកន្លែងណាដែលធ្វើឲ្យកាមេរ៉ារបស់អ្នកមានលំនឹង៕