ហេតុផល ៤យ៉ាង ដែលធ្វើឲ្យជប៉ុន ជាប្រទេសស្អាតក្នុងពិភពលោក
- 2017-09-21 00:50:00
- ចំនួនមតិ 0 | ចំនួនចែករំលែក 0
ហេតុផល ៤យ៉ាង ដែលធ្វើឲ្យជប៉ុន ជាប្រទេសស្អាតក្នុងពិភពលោក
ចន្លោះមិនឃើញ
១. ជប៉ុនមានធុងសំរាមសាធារណៈតិចតួចប៉ុណ្ណោះ
នៅតាមដងវិថីក្នុងប្រទេសជប៉ុន មានធុងសំរាមសាធារណៈតែពីរ បីប៉ុណ្ណោះ ខុសពីប្រទេសជាច្រើនទៀតនៅក្នុងពិភពលោក។ ការមានធុងសំរាមតិចនេះហើយ ធ្វើឲ្យប្រជាជនជប៉ុនបង្កើនការទទួលខុសត្រូវលើសំរាមរបស់ខ្លួនឯង ដោយពួកគេបានយកសំរាមទាំងនោះ មកដាក់ក្នុងធុងសំរាមនៅតាមផ្ទះរបស់ពួកគេវិញ។
២. ការសំអាតនៅតាមផ្ទះ និងកន្លែងធ្វើការ
ជារៀងរាល់ព្រឹក មានមនុស្សជាច្រើននាំគ្នាបោសសំអាតផ្ទះ និងកន្លែងធ្វើការរបស់ពួកគេ។ ពួកគេទាំងនោះមិនមែនជាអ្នកធ្វើការផ្នែកបោសសំអាតនោះទេ ពួកគេគឺជាម្ចាស់ហាង បុគ្គលិកការិយាល័យ គិលានុបដ្ឋាយិកា និងបុគ្គលិកតាមផ្នែកមួយចំនួនទៀត។
៣. ការចូលរួមការងារស្ម័គ្រចិត្តក្នុងការសម្អាត
Greenbird ជាអង្គការនៅក្នុងប្រទេសជប៉ុន ដែលបានអញ្ជើញប្រជាជនជប៉ុនជាទៀងទាត់ ដើម្បីសម្អាតភ្លើងសញ្ញាចរាចរណ៍ និងប្រមូលសំរាមតូចៗ ដែលយើងមើលសឹងតែពុំឃើញ។ អង្គការ Greenbird នេះ ក៏ត្រូវបានបង្កើតនៅសិង្ហបុរី និងនៅក្រុងប៉ារីសផងដែរ។
៤. មិនញាំផង ដើរផងនោះទេ
ជាទម្លាប់របស់ជនជាតិជប៉ុន ពួកគេមិនញាំផង ដើរផងនោះទេ។ ព្រោះមានតែនៅជិតកន្លែងលក់អាហារ និងភេសជ្ជៈទេ ដែលមានធុងសំរាមសម្រាប់ដាក់សម្រាប់ជាដប ប្លាស្ទិក ឬក្រដាសដែលប្រើប្រាស់សម្រាប់ខ្ចប់អាហារ។