គិតត្រឹមខែសីហានេះ ការវិនិយោគរបស់ចិននៅកម្ពុជា មានទឹកប្រាក់ ១៦,២ពាន់លានដុល្លារ
- 2017-09-14 10:18:24
- ចំនួនមតិ 0 | ចំនួនចែករំលែក 0
គិតត្រឹមខែសីហានេះ ការវិនិយោគរបស់ចិននៅកម្ពុជា មានទឹកប្រាក់ ១៦,២ពាន់លានដុល្លារ
ចន្លោះមិនឃើញ
លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានឲ្យដឹងថា គិតត្រឹមខែសីហា ឆ្នាំ២០១៧ ការវិនិយោគចិននៅកម្ពុជា មានទឹកប្រាក់សរុបប្រមាណ ១៦,២ពាន់លានដុល្លារ ដែលក្នុងនោះការវិនិយោគក្នុងតំបន់សេដ្ឋកិច្ចពិសេសក្រុងព្រះសីហនុ មានគម្រោងវិនិយោគសរុបចំនួន ១១០ មានទុនវិនិយោគសរុបចំនួនប្រមាណ ៣១០លានដុល្លារអាមេរិក និងបង្កើតការងារបានចំនួនប្រមាណ ១៦ ១៨០កន្លែង។
ការថ្លែងដូច្នេះរបស់លោក សុខ ចិន្តាសោភា បានធ្វើឡើងនៅក្នុងវេទិកាកម្ពុជា-ចិន ស្តីពីកិច្ចសហប្រតិបត្តិការសមត្ថភាពផលិត និងវិនិយោគ នាព្រឹកថ្ងៃទី១៤ ខែកញ្ញា ឆ្នាំ២០១៧ នៅសណ្ឋាគារ Nanning Wanda Wenhua។ លោកបញ្ជាក់ថា តំបន់សេដ្ឋកិច្ចពិសេសក្រុងព្រះសីហនុ គឺជាគំរូដ៏ជោគជ័យមួយសម្រាប់កិច្ចសហប្រតិបត្តិការទ្វេភាគី ក្នុងការកសាងតំបន់កិច្ចសហប្រតិបត្តិការសេដ្ឋកិច្ច និងលើកកម្ពស់កិច្ចសហ-ប្រតិបត្តិការសមត្ថភាពផលិតផ្នែកឧស្សាហកម្ម៕