យប់ថ្ងៃប្រកាស iPhone X ធ្វើឲ្យចំនួនអ្នកមើលរឿងអាសអាភាសធ្លាក់ចុះខ្លាំង
- 2017-09-15 01:46:00
- ចំនួនមតិ 0 | ចំនួនចែករំលែក 0
យប់ថ្ងៃប្រកាស iPhone X ធ្វើឲ្យចំនួនអ្នកមើលរឿងអាសអាភាសធ្លាក់ចុះខ្លាំង
ចន្លោះមិនឃើញ
កាលពីយប់ថ្ងៃទី១២ឈានចូលថ្ងៃទី១៣កញ្ញា ក្រុមហ៊ុនបច្ចេកវិទ្យាយក្សអាមេរិក Apple បានប្រកាសចេញផលិតផលថ្មីរបស់ខ្លួនជាស៊េរីដូចជា 4K Apple TV, Apple Watch Series 3, iPhone 8, 8 Plus និងជាពិសេសនោះគឺ iPhone X។
ព្រឹត្តិការណ៍ខាងលើនេះ បានទាញចំណាប់អារម្មណ៍មនុស្សជាច្រើនជុំវិញពិភពលោក ជាពិសេសចំនួនចរាចរណ៍នៅលើអ៊ីនធឺណិត (Traffic) បានបង្វែរមកមើលការបង្ហាញរបស់ Apple។ តួយ៉ាង បើតាមរបាយការណ៍របស់វិបសាយអាសអាភាសដ៏ល្បី PornHub បានឲ្យដឹងថា ចំនួនអ្នកចូលទស្សនារបស់ពួកគេនៅអំឡុងពេល Apple ប្រកាស iPhone X មានការធ្លាក់ចុះយ៉ាងគំហុក។
ក្នុងនោះ តួលេខបានបញ្ជាក់ថា ចំនួនអ្នកចូលមើលរឿងអាសអាភាសលើ PornHub តាមរយៈ Browser ធ្លាក់ចុះចន្លោះពី ៤% ដល់ ៨%។ ចំណែកឯឧបករណ៍ iOS និង MacOS ធ្លាក់ចុះចន្លោះពី ៨% ដល់ ១២% ឯណោះ។
នេះមិនមែនជាលើកដំបូងឡើយដែលព្រឹត្តិការណ៍ដាក់បង្ហាញ iPhone ជំនាន់ថ្មី ផ្ដល់ផលប៉ះពាល់ខ្លាំងដល់អតិថិជនរបស់វិបសាយអាសអាភាស ព្រោះថាកាលពីឆ្នាំមុន PornHub ក៏ធ្លាប់បង្ហាញតួលេខធ្លាក់ចុះខ្លាំងដូច្នេះដែរ៕