កូរ៉េខាងត្បូង បាញ់មីស៊ីលបាលិស្ទីក ២គ្រាប់ភ្លាមៗ ឆ្លើយតបនឹងកូរ៉េខាងជើង

2017-09-15 03:48:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពកូរ៉េខាងត្បូង នៅព្រឹកថ្ងៃទី១៥ ខែកញ្ញា ២០១៧នេះ ក៏បានបាញ់មីស៊ីលបាលិស្ទីក ប្រភេទ Hyunmoo-2 ចំនួន ២គ្រាប់ផងដែរ ឆ្លើយតបនឹងការបាញ់មីស៊ីលបាលិស្ទីករយៈចម្ងាយឆ្ងាយរបស់កូរ៉េខាងជើង ដែលហោះបានប្រមាណ ៣ ៧០០គីឡូម៉ែត្រ រំលងប្រទេសជប៉ុន។

ការបាញ់មីស៊ីលរបស់កូរ៉េខាងត្បូង បានធ្វើឡើងប្រមាណ ៦នាទីប៉ុណ្ណោះ ក្រោយការបាញ់មីស៊ីលរបស់កូរ៉េខាងជើង។ មីស៊ីលកូរ៉េខាងត្បូង បានបាញ់ចេញពីតំបន់ព្រំដែនប្រទេសកូរ៉េទាំងពីរ ហោះបានចម្ងាយប្រមាណ ២៥០គីឡូម៉ែត្រ ទៅធ្លាក់ក្នុងសមុទ្រជប៉ុន។

មន្រ្តីយោធាកូរ៉េខាងត្បូងបញ្ជាក់ថា ការបាញ់សាកល្បងមីស៊ីលនេះ ជាការឆ្លើយតបនឹងការបាញ់មីស៊ីលរបស់កូរ៉េខាងជើង និងជាការបង្ហាញថា កូរ៉េខាងត្បូងមានសមត្ថភាពអាចចាប់បានសញ្ញានៃការបាញ់សាកល្បងមីស៊ីលរបស់កូរ៉េខាងជើងជាមុន និងដោយសម្ងាត់៕

ប្រភព៖ Yonhapnews ប្រែសម្រួល៖ វាសនា