រុស្ស៊ី បាញ់មីស៊ីលចេញពីនាវាមុជទឹក កម្ទេចក្រុម IS នៅស៊ីរី

2017-09-15 04:49:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាវាមុជទឹករុស្ស៊ី ២គ្រឿងនៅក្នុងសមុទ្រមេឌីទែរ៉ាណេ គឺម៉ាក Veliky Novgorod និង Kolpino បានបាញ់មីស៊ីលវាយប្រហារទៅលើក្រុម IS ក្នុងក្រុង Deir ez-Zor នៃប្រទេសស៊ីរី កាលពីថ្ងៃទី១៤កញ្ញា។ នេះបើតាមសេចក្តីថ្លែងការណ៍របស់ក្រសួងការពារជាតិរុស្ស៊ី។

នាវាមុជទឹក Veliky Novgorod

នាវាមុជទឹក២គ្រឿងនេះ បានបាញ់មីស៊ីល Kalibr ៧គ្រាប់ សំដៅទៅលើទីតាំងក្រុម IS ដែលមានចម្ងាយពីគ្នាប្រមាណ ៥០០ ទៅ ៦៥០គីឡូម៉ែត្រ។ ទីតាំងដែលត្រូវបានកម្ទេចរួមមាន បញ្ជាការកណ្តាល មជ្ឈមណ្ឌលទំនាក់ទំនង ព្រមទាំងឃ្លាំងអាវុធ ក្នុងតំបន់ដែលគ្រប់គ្រងដោយ IS នៅភាគខាងកើតក្រុង Deir ez-Zor។ ទោះជាយ៉ាងណា ចំនួនអ្នកស្លាប់នៅក្នុងការវាយប្រហារនេះ មិនត្រូវបានបញ្ជាក់ឡើយ។

នាវាមុជទឹក Kolpino

គួរបញ្ជាក់ថា រុស្ស៊ី បានជួយស៊ីរី ក្នុងការប្រយុទ្ធប្រឆាំងនឹងក្រុមភេរវកម្ម IS ចាប់តាំងពីថ្ងៃទី៣០កញ្ញា ២០១៥មក តាមសំណើរបស់ប្រធានាធិបតីស៊ីរី លោក បាស្យា អាល់អាសាដ៕

ប្រភព៖ Sputnik News ប្រែសម្រួល៖ សំភី