Google ត្រូវបុគ្គលិកប្ដឹងថា បើកប្រាក់ខែមិនស្មើភាពគ្នា
- 2017-09-15 04:54:04
- ចំនួនមតិ 0 | ចំនួនចែករំលែក 0
Google ត្រូវបុគ្គលិកប្ដឹងថា បើកប្រាក់ខែមិនស្មើភាពគ្នា
ចន្លោះមិនឃើញ
ក្រុមហ៊ុន Google ត្រូវបានអតីតបុគ្គលិកស្រីចំនួន៣នាក់ដាក់ពាក្យបណ្ដឹងចោទប្រកាន់ពីភាពលម្អៀងនៃការបើកប្រាក់ខែ។
ក្នុងបណ្ដឹង រៀបរាប់ថា Google បើកប្រាក់ខែឲ្យបុគ្គលិកស្ត្រី តិចជាងបុគ្គលិកប្រុស ចំពោះមុខតំណែងប្រហាក់ប្រហែលគ្នា។ មួយវិញទៀត Google ក៏ដឹងពីបញ្ហានេះដែរ តែមិនព្រមដោះស្រាយសោះឡើយ។ ដើមបណ្ដឹងម្នាក់ក្នុងចំណោមនោះឈ្មោះថា Kelly Ellis ដែលធ្លាប់ជាវិស្វករកម្មវិធីរបស់ Google និយាយថា បណ្ដឹងនេះនឹងអាចកែប្រែបញ្ហាប្រកាន់ភេទនៅក្នុងក្រុមហ៊ុនបច្ចេកវិទ្យាបាន មិនថាតែ Google មួយប៉ុណ្ណោះទេ គឺបណ្ដាក្រុមហ៊ុនទាំងអស់។
បច្ចុប្បន្ន Google កំពុងស្ថិតនៅក្រោមការស៊ើបអង្កេតរបស់ក្រសួងពលកម្មអាមេរិក ពាក់ព័ន្ធនឹងការបើកប្រាក់ឈ្នួលឲ្យបុគ្គលិក៕