ក្រសួងវប្បធម៌ ត្រៀមទទួលព្រឹទ្ធាចារ្យ គង់ ណៃ ដែលបានពានរង្វាន់១ នៅជប៉ុន

2017-09-15 08:55:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ហាប់ ទូច អគ្គនាយក នៃអគ្គនាយកដ្ឋានបច្ចេកទេសវប្បធម៌ នៃក្រសួងវប្បធម៌ បានមានប្រសាសន៍ថា លោកព្រឹទ្ធាចារ្យ គង់ ណៃ នឹងវិលត្រឡប់មកពីទទួលពានរង្វាន់សិល្បៈវប្បធម៌ហ្វុគុអូកា នៃប្រទេសជប៉ុននៅថ្ងៃទី ២៤ ខែកញ្ញា ឆ្នាំ ២០១៧ នៅព្រលានយន្តហោះអន្តរជាតិភ្នំពេញ។ ការវិលមកវិញរបស់លោក នឹងមានការចូលរួមក្បួនដង្ហែពីសំណាក់អ្នកសិល្បៈ និងប្រជាពលរដ្ឋរាប់ពាន់នាក់ផងដែរ។

ព្រឹទ្ធាចារ្យ គង់ ណៃ

ថ្លែងក្នុងសន្និសីទសារព័ត៌មានស្ដីពី «***ពិធីអបអរសាទរ ការទទួលបានពានរង្វាន់សិល្បៈវប្បធម៌ហ្វុកុអូកា របស់ ព្រឹទ្ធាចារ្យ គង់ ណៃ***» លោក ហាប់ ទូច បញ្ជាក់ថា «***ក្រោយពីលោកតា គង់ ណៃ ត្រឡប់មកដល់ព្រលានយន្តហោះអន្តរជាតិភ្នំពេញភ្លាម យើងមានរថយន្តសារ៉ែន នាំមុខ រថយន្តក្រុមឆៃយ៉ាំ រថយន្តដង្ហែលោកតា គង់ ណៃ អមដោយចាប៉ីដងវែង និងម៉ូតូស ១០ គ្រឿង រថយន្តតន្ត្រីទិព្វ ក្បួនរថយន្តថ្នាក់ដឹកនាំ ក្បួនរថយន្តសិល្បៈ និងយុវជន***»។

លោក ហាប់ ទូច អគ្គនាយក នៃអគ្គនាយកដ្ឋានបច្ចេកទេសវប្បធម៌

បន្ថែមពីនេះ លោកក៏បានអំពាវនាវដល់បងប្អូនប្រជាពលរដ្ឋ និងសិល្បករមួយចំនួនឲ្យចូលរួមក្បួនដង្ហែ ការវិលត្រឡប់របស់លោកព្រឹទ្ធាចារ្យកោសល្យវោហារ គង់ ណៃ មកពីទទួលពានរង្វាន់នៅប្រទេសជប៉ុនឲ្យបានច្រើនកុះករដើម្បីលើកស្ទួយសិល្បៈវប្បធម៌ខ្មែរ។

គួររម្លឹកថា ពានរង្វាន់ដែលចាស់ព្រឹទ្ធាចារ្យចាប៉ីដងវែង គង ណៃ ទទួលបានពីប្រទេសជប៉ុន គឺក្នុងនាមជា បុគ្គលដែលមានស្នាដៃឆ្នើមនៅតំបន់អាស៊ីពាក់ព័ន្ធផ្នែកអប់រំសិល្បៈវប្បធម៌៕

ប្រភព៖ Sabay News អត្ថបទ៖ ឆុង ស៊ីណាន