Real Madrid តាមទាន់កំណត់ត្រា មិនធ្លាប់ចាញ់៧៣ប្រកួត កាលពី៥៥ឆ្នាំមុន
- 2017-09-18 02:08:09
- ចំនួនមតិ 0 | ចំនួនចែករំលែក 0
Real Madrid តាមទាន់កំណត់ត្រា មិនធ្លាប់ចាញ់៧៣ប្រកួត កាលពី៥៥ឆ្នាំមុន
ចន្លោះមិនឃើញ
ក្រុមអធិរាជស Real Madrid បានតាមទាន់កំណត់ត្រាស៊ុតបញ្ចូលទីបានចំនួន ៧៣ប្រកួតរបស់ក្រុម Santos របស់ស្តេចបាល់ទាត់ Pele កាលពីរដូវកាល ១៩៦២-១៩៦៣ បន្ទាប់ពី Real យកឈ្នះ Real Sociedad ដោយលទ្ធផល ១-៣ យប់មិញ។
ក្រុមភ្ញៀវ Real Madrid រកគ្រាប់បាល់បានពី Mayoral នាទី១៩, Kevin Rodrigues (បាល់ Own Goal) នាទី៣៦ និង Bale នាទី៦១។ ចំណែក ម្ចាស់ផ្ទះ រកបាន ១គ្រាប់ដោយ Kevin Rodrigues ដដែល នៅនាទី ២៨ ។
ក្នុងកំណត់ត្រាខាងលើ Real Madrid ធ្វើបានល្អជាង ដោយឈ្នះ ៥៤ ស្មើ ១៤ និង ចាញ់ ៥ ប្រកួត ចំណែក Santos របស់ប្រេស៊ីល ឈ្នះ ៥២ ស្មើ ១៤ និង ចាញ់ ៧ ប្រកួត។ យ៉ាងណាមិញ Santos អាចរកគ្រាប់បាល់បានរហូតដល់ ២៤៥គ្រាប់ បើធៀបនឹង Real Madrid ដែលធ្វើបានត្រឹមតែ ២០០ គ្រាប់ប៉ុណ្ណោះ។
នេះជាជ័យជម្នះលើកទីពីររបស់ក្រុមអធិរាជស ក្នុងរដូវកាលថ្មី បន្ទាប់ពីស្មើ ២ប្រកួតចុងក្រោយ។ ៤ប្រកួតកន្លងទៅ Real មាន ៨ពិន្ទុ តាមពីក្រោយក្រុមកំពូលតារាង Barcelona ចំនួន ៤ពិន្ទុ៕