អគ្គរដ្ឋទូតកូរ៉េខាងជើង ៣រូប ត្រូវបានបណ្ដេញចេញពីប្រទេសចំនួន៣ ជាបន្ដបន្ទាប់

2017-09-18 02:13:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅក្នុងខែកញ្ញា ២០១៧នេះ អគ្គរដ្ឋទូតកូរ៉េខាងជើងចំនួន ៣រូប ត្រូវបានបណ្ដេញចេញពីប្រទេសចំនួន៣ ជាបន្តបន្ទាប់។ ប្រទេសទាំង៣ ដែលបានបណ្ដេញអគ្គរដ្ឋទូតកូរ៉េខាងជើង មានដូចជា ប្រទេសម៉ិកស៊ីកូ ប្រទេសប៉េរូ និងប្រទេសគុយវ៉ែត។ ការបណ្ដេញអគ្គរដ្ឋទូតកូរ៉េខាងជើង គឺដោយការតេស្ដសាកល្បងគ្រាប់បែកនុយក្លេអ៊ែររបស់កូរ៉េខាងជើង និងការបាញ់សាកល្បងមីស៊ីលកាលពីពេលថ្មីៗនេះ។

ប្រទេសទាំង ៣ ដែលបណ្ដេញអគ្គរដ្ឋទូតកូរ៉េខាងជើង នៅក្នុងខែកញ្ញា៖

១. រដ្ឋាភិបាលម៉ិកស៊ីកូ កាលពីថ្ងៃទី០៨ ខែកញ្ញា ២០១៧ បានប្រកាសបណ្ដេញអគ្គរដ្ឋទូតកូរ៉េខាងជើងប្រចាំប្រទេសម៉ិកស៊ីកូ លោក Kim Hyong Gil ដោយទុកពេល ៧២ម៉ោងប៉ុណ្ណោះ ឲ្យចាកចេញពីប្រទេសម៉ិកស៊ីកូ។

លោក Kim Hyong Gil អគ្គរដ្ឋទូតកូរ៉េខាងជើងប្រចាំប្រទេសម៉ិកស៊ីកូ ដែលត្រូវបានបណ្ដេញចេញ

២. ៣ថ្ងៃបន្ទាប់មកទៀត គឺថ្ងៃទី១១ ខែកញ្ញា ២០១៧ រដ្ឋាភិបាលប៉េរូបានប្រកាសបណ្ដេញអគ្គរដ្ឋទូតកូរ៉េខាងជើងប្រចាំប្រទេសប៉េរូ លោក Kim Hak-chol ដោយទុកពេល ៥ថ្ងៃ ឲ្យចាកចេញពីប្រទេសប៉េរូ។

លោក Kim Hak-chol អគ្គរដ្ឋទូតកូរ៉េខាងជើងប្រចាំប្រទេសប៉េរូ ដែលត្រូវបានបណ្ដេញចេញ

៣. មួយសប្ដាហ៍បន្ទាប់មកទៀត គឺនៅថ្ងៃទី១៨ ខែកញ្ញា ២០១៧នេះ ប្រទេសអ្នកមានដោយសារប្រេង គុយវ៉ែតបានប្រកាសបណ្ដេញអគ្គរដ្ឋទូតកូរ៉េខាងជើង លោក So Chang Sik និងមន្រ្តីទូតកូរ៉េខាងជើង ៤រូបទៀត ចេញពីប្រទេសកូរ៉េខាងជើង ដោយសារតែបញ្ហាការតេស្ដសាកល្បងគ្រាប់បែកនុយក្លេអ៊ែរ និងការបាញ់សាកល្បងមីស៊ីលជាបន្តបន្ទាប់៕