រកឃើញហ្វូស៊ីលសមុទ្រ អាយុកាលរាប់លានឆ្នាំនៅកម្ពុជា

2017-09-18 09:42:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះ ក្រុមស្រាវជ្រាវនៃនាយកដ្ឋានបេតិកភណ្ឌនៃក្រសួងបរិស្ថាន បានរកឃើញហ្វូស៊ីលខ្យង គ្រំ និងងាវសមុទ្រ ក្នុងដែនជម្រកសត្វព្រៃគូលែនព្រហ្មទេព ខេត្តព្រះវិហារ ដែលអាចមានអាយុដល់រាប់លានឆ្នាំ។

ដែនជម្រកសត្វព្រៃគូលែនព្រហ្មទេព/ រូបភាព៖ RFA

បើតាមលោក លឹម វណ្ឌច័ន្ទ អនុប្រធានការិយាល័យអប់រំផ្សព្វផ្សាយ នៃក្រសួងបរិស្ថាន លើកឡើងថា តាមរយៈនៃការរកឃើញនេះ ក្រុមបច្ចេកទេសអាចសន្និដ្ឋានថា ប្រទេសកម្ពុជាអាចធ្លាប់ជាបាតសមុទ្រ។ ដោយសារតែកង្វះអ្នកជំនាញ ហ្វូស៊ីលនេះនៅមិនអាចវាស់អាយុកាលពិតប្រាកដនៅឡើយទេ។ ប៉ុន្តែលោកអាចសន្និដ្ឋានបានថា ហ្វូស៊ីលនេះមានអាយុមិនតិចជាងរាប់លានឆ្នាំនោះទេ។

លោក រំពឹងថា ប្រសិនបើទីតាំងដែលបានរកឃើញហ្វូស៊ីលនេះត្រូវបានសិក្សាធ្វើកំណាយ នោះវានឹងទៅដល់ការស្វែងយល់ពីអាយុកាលចំណាស់នៃទឹកដីកម្ពុជា ហើយក៏អាចស្វែងយល់ពីប្រភេទសត្វដែលមានប្រវត្តិក្នុងប្រទេសកម្ពុជាដែរ។ ចុងក្រោយលោកក៏បានសង្កត់ធ្ងន់ថា ហ្វូស៊ីលទាំងនេះគឺនឹងក្លាយជារបស់បេតិកភណ្ឌសម្រាប់ការសិក្សាស្រាវជ្រាវយ៉ាងសំខាន់បំផុតមួយ៕

អត្ថបទ៖ ឈាង.