វារីអគ្គិសនីធំជាងគេបង្អស់នៅកម្ពុជា នឹងដំណើរការក្រោយបុណ្យភ្ជុំបិណ្ឌ
- 2017-09-19 06:33:16
- ចំនួនមតិ 0 | ចំនួនចែករំលែក 0
វារីអគ្គិសនីធំជាងគេបង្អស់នៅកម្ពុជា នឹងដំណើរការក្រោយបុណ្យភ្ជុំបិណ្ឌ
ចន្លោះមិនឃើញ
វារីអគ្គិសនី "សេសានក្រោម២" ស្ថិតនៅស្រុកសេសាន ខេត្តស្ទឹងត្រែង ដែលជាវារីអគ្គិសនីធំជាងគេនៅកម្ពុជា នឹងប្រារព្ធពិធីចុចប៊ូតុងបិទទ្វារទឹកជាផ្លូវការ ក្រោមអធិបតីភាពរបស់សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា នាពេលឆាប់ៗខាងមុខ។ ប្រសិនបើពុំមានអ្វីប្រែប្រួលទេនោះ ពិធីនេះនឹងកើតឡើងនៅចុងខែកញ្ញានេះ ពោលគឺក្រោយបញ្ចប់ពិធីបុណ្យភ្ជុំបិណ្ឌ។
វារីអគ្គិសនីសេសានក្រោម២ អាចផ្ដល់ថាមពលបានដល់ទៅ ៤០០ មេហ្គាវ៉ាត់ ដែលមានតម្លៃជាង ៧៨១ លានដុល្លារ។ គម្រោងននេះត្រូវបានសិក្សាតាំងពីឆ្នាំ២០០៤ លើផលចំណេញផង និងលើផលប៉ះពាល់ខាងបរិស្ថានរូបសាស្ត្រ បរិស្ថានជីវសាស្ត្រ និងបរិស្ថានសង្គម។ វារីអគ្គិសនីនេះ នឹងអាចផ្គត់ផ្គង់អគ្គិសនី ដល់គ្រួសារប្រជាពលរដ្ឋ តាមបណ្ដោយបណ្ដាញបញ្ជូន ភ្នំពេញ-កំពង់ចាម-ក្រចេះ-ស្ទឹងត្រែង។
គួរបញ្ជាក់ថា គម្រោងមួយនេះ វិនិយោគដោយក្រុមហ៊ុនមកពីប្រទេសចិន៕