ក្រសួងធនធានទឹក ប្រកាសឲ្យអ្នកធ្វើដំណើរតាមសមុទ្រ បង្កើនការប្រុងប្រយ័ត្ន

2017-09-20 09:13:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្ពុជា កំពុងបន្តរងឥទ្ធិពលពីប្រព័ន្ធសម្ពាធទាប (ITCZ) ដែលធ្វើឲ្យមានភ្លៀងធ្លាក់ពីកម្រិតមធ្យមទៅច្រើន នៅស្ទើរទូទាំងប្រទេស ដែលក្នុងនោះ តំបន់មាត់សមុទ្រ នឹងមានភ្លៀងធ្លាក់ច្រើន ដោយមានខ្យល់បោកបក់ខ្លាំង និងរលកសមុទ្រខ្ពស់ៗ ចាប់ពីថ្ងៃទី២០ ដល់ថ្ងៃទី២៧ ខែកញ្ញា។ នេះបើយោងតាមព្យាករណ៍អាកាសធាតុរបស់ក្រសួងធនធានទឹក និងឧតុនិយម។

ក្រសួង ក៏បានប្រកាសឲ្យបងប្អូនប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ។

ចំណែក ខណ្ឌ ស្រុក ក្រុងមួយចំនួននៅតំបន់វាលទំនាប និងតំបន់ខ្ពង់រាប ក៏មានភ្លៀងធ្លាក់ពីបង្គួរទៅច្រើនដូចគ្នាដែរ ដែលមានដូចជា ភ្នំពេញ កណ្ដាល កំពង់ស្ពឺ តាកែវ កំពង់ឆ្នាំង កំពត ព្រៃវែង ពោធិ៍សាត់ បាត់ដំបង បន្ទាយមានជ័យ សៀមរាប ឧត្តរមានជ័យ កំពង់ធំ ព្រះវិហារ ក្រចេះ កំពង់ចាម និងត្បូងឃ្មុំ ពីថ្ងៃទី២០ ដល់ ២៧ កញ្ញា៕