Real Madrid ចុកឈាមចុងម៉ោង ក្នុងដីខ្លួនឯង
- 2017-09-21 00:05:34
- ចំនួនមតិ 0 | ចំនួនចែករំលែក 0
Real Madrid ចុកឈាមចុងម៉ោង ក្នុងដីខ្លួនឯង
ចន្លោះមិនឃើញ
កីឡាករប៉ារ៉ាហ្គាយ វ័យ ២១ឆ្នាំ Antonio Sanabria បានតែតបញ្ចូលទីនៅនាទី ៩០+៤ ជួយឲ្យក្រុម Real Betis យកឈ្នះ Real Madrid ១-០ ក្នុងសប្ដាហ៍ទី ៥ នៃលីគកំពូលអេស្ប៉ាញ La Liga កាលពីយប់មិញ។
ក្រុមលោក Zinedine Zidane បានវាយសម្រុកយ៉ាងខ្លាំងក្នុងការប្រកួតនេះ ដោយមានឱកាសស៊ុតសំដៅទីដល់ទៅ ២៧លើក ប៉ុន្តែមិនបានសម្រេច ដែលរួមមានទាំង Cristiano Ronaldo ដែលទើបផុតបម្រាមផងដែរ។
នេះជាជ័យជម្នះនៅ La Liga លើកដំបូងសម្រាប់ក្រុម Real Betis នៅទឹកដី Bernabeu ក្នុងរយៈពេល ១៩ឆ្នាំចុងក្រោយ។ ជ័យជម្នះ ១-០ នេះ ក៏ជាការបញ្ចប់កំណត់ត្រាស៊ុតបញ្ចូលទីចំនួន ៧៣ប្រកួតជាប់គ្នានៅអេស្ប៉ាញ របស់ក្រុម Real Madrid ផងដែរ។
គិតត្រឹមសប្ដាហ៍ទី ៥ ក្រុម Barcelona កំពុងឈរនៅកំពូលតារាង ដោយមាន ១៥ពិន្ទុពេញ ខណៈ Real Madrid ទើបតែមាន ៨ពិន្ទុប៉ុណ្ណោះ ឈរលេខ ៧។