រញ្ជួយដីនៅម៉ិកស៊ីកូ កើនអ្នកស្លាប់ដល់ជាង ២០០នាក់
- 2017-09-21 01:54:29
- ចំនួនមតិ 0 | ចំនួនចែករំលែក 0
រញ្ជួយដីនៅម៉ិកស៊ីកូ កើនអ្នកស្លាប់ដល់ជាង ២០០នាក់
ចន្លោះមិនឃើញ
គិតត្រឹមព្រឹកថ្ងៃព្រហស្បតិ៍នេះ ចំនួនអ្នកស្លាប់ដោយសារគ្រោះរញ្ជួយដីនៅម៉ិកស៊ីកូ បានកើនដល់ ២៣០នាក់។ នេះបើយោងតាមការបញ្ជាក់នៅលើ Twitter របស់លោក Luis Felipe Puente ប្រធានគ្រប់គ្រងគ្រោះមហន្តរាយម៉ិកស៊ីកូ។
កងកម្លាំងជួយសង្គ្រោះរបស់រដ្ឋាភិបាល ប្រមាណ ៥ម៉ឺននាក់ កំពុងចល័តតាមទីតាំងដែលរងគ្រោះ ដើម្បីស្វែងរកអ្នកនៅរស់រានមានជីវិតក្រោមគំនរអគារ។ មនុស្សជាង ៥០នាក់ ត្រូវបានជួយសង្រ្គោះ ខណៈនៅមានមនុស្សជាច្រើននាក់ទៀត កំពុងបាត់ខ្លួនក្រោមគំនរបាក់បែកនៅឡើយ។
មន្រ្ដីម៉ិកស៊ីកូ បានឲ្យដឹងថា អគារ ៣៩កន្លែង ត្រូវបានបំផ្លាញទាំងស្រុង ដែលភាគច្រើននៅក្រុង Mexico City ដែលជាទីក្រុងមានមនុស្សស្លាប់ច្រើនជាងគេ។
រំលឹកផងដែរថា រញ្ជួយដីកម្រិត ៧,១រ៉ិចទ័រ បានវាយប្រហារម៉ិកស៊ី កាលពីថ្ងៃអង្គារ ដែលជាគ្រោះរញ្ជួយដីដ៏សាហាវបំផុតសម្រាប់ប្រទេសនេះ គិតចាប់តាំងពីឆ្នាំ១៩៨៥ មក៕