កម្ពុជា-ចិន ចុះ MOU លើឯកសារចំនួន ៦

2017-09-22 01:29:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អនុស្សរណៈយោគយល់ (MOU) ចំនួន៦ ត្រូវបានចុះហត្ថលេខារវាងកម្ពុជា-ចិន ក្រោមអធិបតីភាពសម្តេច ហ៊ុន សែន និងលោក Liu Yunshan សមាជិកគណៈអចិន្ត្រៃយ៍ នៃការិយាល័យនយោបាយរបស់គណៈកម្មាធិការមជ្ឈិម បក្សកុម្មុយនិស្ដចិន CPC នៃសាធារណរដ្ឋប្រជាមានិតចិន កាលពីព្រឹកថ្ងៃទី២០ ខែកញ្ញា ឆ្នាំ២០១៧ នៅវិមានសន្តិភាព។

អនុស្សរណៈនៃការយោគយល់ទាំង ៦ ដែលត្រូវបានចុះហត្ថលេខារួមមាន៖

១. អនុស្សរណៈនៃការយោគយល់ស្តីពី "ការផ្លាស់ប្ដូរទស្សនកិច្ចសិក្សា និងការសហប្រតិបត្តិការ" រវាងគណបក្សកុម្មុយនិស្តចិន និងគណបក្សប្រជាជនកម្ពុជា

២. អនុស្សរណៈនៃការយោគយល់ស្តីពី "ការជំរុញទំនាក់ទំនង និងសហប្រតិបត្តិការរវាងអង្គការមិនមែនរដ្ឋាភិបាល នៃសាធារណៈរដ្ឋប្រជាមានិតចិន និងព្រះរាជាណាចក្រកម្ពុជា" រវាងបណ្ដាញអង្គការមិនមែនរដ្ឋាភិបាលចិន ដើម្បីទំនាក់ទំនងអន្តរជាតិ និងវេទិកាសម្ព័ន្ធសង្គមស៊ីវិល

៣. អនុស្សរណៈនៃការយោគយល់ស្តីពី "ការអនុវត្តគម្រោងលើកកម្ពស់ជីវភាព" រវាងក្រសួង សុខាភិបាល នៃព្រះរាជាណាចក្រកម្ពុជា និងមូលនិធិចិន ដើម្បីសន្តិភាព និងការអភិវឌ្ឍ

៤. អនុស្សរណៈនៃការយោគយល់ស្តីពី "ការអនុវត្តគម្រោងលើកកម្ពស់ជីវភាព" រវាងក្រសួងអប់រំ នៃព្រះរាជាណាចក្រកម្ពុជា និងមូលនិធិចិន ដើម្បីសន្តិភាព និងការអភិវឌ្ឍ

៥. អនុស្សរណៈយោគយល់គ្នាស្តីពី "កិច្ចសហការថតភាពយន្តឯកសារ" រវាងស្ថានីយទូរទស្សន៍មជ្ឈិមចិន និង ស្ថានីយទូរទស្សន៍ជាតិកម្ពុជា

៦. អនុស្សរណៈយោគយល់គ្នាស្តីពី "ការ សហប្រតិបត្តិការ សិក្សា លើ គម្រោងសាងសង់បណ្ដាញទូរទស្សន៍ឌីជីថលទូទាំងប្រទេសកម្ពុជា" រវាងក្រសួងព័ត៌មានកម្ពុជា និងទូរទស្សន៍យួណាន នៃសាធារណរដ្ឋប្រជាមានិតចិន៕