ដឹងឬអត់ថាខេត្តណា មានភ្ញៀវទេសចរទៅលេងច្រើនជាងគេ ក្នុងអំឡុងបុណ្យភ្ជុំបិណ្ឌ?

2017-09-22 02:22:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមរបាយការណ៍របស់មន្ទីរទេសចរណ៍រាជធានី-ខេត្ត បានបង្ហាញថា ភ្ញៀវទេសចរជាតិ-អន្តរជាតិ ដែលដើរកម្សាន្តនៅតាមរមណីយដ្ឋានទេសចរណ៍នានាក្នុងឱកាសពិធីបុណ្យភ្ជុំបិណ្ឌ មានចំនួនជិត ១លាន ៥ម៉ឺននាក់ កើនឡើងប្រមាណ ១៥.៧០% ធៀបនឹងឆ្នាំ ២០១៦ ក្នុងនោះភ្ញៀវទេសចរជាតិ មានចំនួន ១លាន ១ម៉ឺននាក់ កើនឡើង ១៥.៣០% និងភ្ញៀវទេសចរអន្តរជាតិ មានចំនួនប្រមាណ ៤ម៉ឺននាក់ កើនឡើង ៦.២០%។

ខេត្តគោលដៅទេសចរណ៍សំខាន់ៗចំនួន៥ ទទួលបានចំនួនភ្ញៀវទេសចរដូចខាងក្រោម៖

ខេត្តសៀមរាប៖ ភ្ញៀវសរុបជាង ១៤ម៉ឺននាក់ កើនឡើង ៤.៨១% ក្នុងនោះ ភ្ញៀវជាតិចំនួនជាង ១២ម៉ឺននាក់ កើនឡើង ៥% និងភ្ញៀវអន្តរជាតិ ជាង ១,៧ម៉ឺននាក់ កើនឡើង ៣.៥២%។

ខេត្តព្រះសីហនុ៖ ភ្ញៀវសរុបជាង ៩ម៉ឺននាក់ កើនឡើង ១៥.២២% ក្នុងនោះ ភ្ញៀវជាតិជាង ៨ម៉ឺននាក់ កើនឡើង ១៣.៧០% និងភ្ញៀវអន្តរជាតិជាង ៤ពាន់នាក់ កើនឡើង ២%។

ខេត្តបាត់ដំបង ៖ ភ្ញៀវសរុបជិត ៨ម៉ឺននាក់ កើនឡើង ៨៩.១៩% ក្នុងនោះ ភ្ញៀវជាតិជាង ៧,៨ម៉ឺននាក់ កើនឡើង ៨៩.៦៥% និងភ្ញៀវអន្តរជាតិចំនួន ២៣៩នាក់ កើនឡើង ៥.២៩%។

ខេត្តកំពត ៖ ភ្ញៀវសរុបជាង ៧,៧ម៉ឺននាក់ កើនឡើង ៥.២១% ក្នុងនោះ ភ្ញៀវជាតិចំនួន ៧,៥ម៉ឺននាក់ កើនឡើង ៥.៧០% និងភ្ញៀវអន្តរជាតិចំនួន ១២០២នាក់ កើនឡើង ១៦.៤២%។
ខេត្តបន្ទាយមានជ័យ ៖ ភ្ញៀវសរុបជាង ៧,៧ម៉ឺននាក់ កើនឡើង ១០៦.២០% ក្នុងនោះ ភ្ញៀវជាតិចំនួន ៧៧ ០៦៨នាក់ កើនឡើង ១០៦.២១% និងភ្ញៀវអន្តរជាតិចំនួន ១០នាក់ កើនឡើង ៦៦.៦៦%។

មូលហេតុនៃការកើនឡើងភ្ញៀវទេសចរតាមបណ្ដាខេត្តនានា គឺដោយសារមូលហេតុសំខាន់ៗ ដូចជា៖ ផ្លូវស្រួលជាងមុន ការទប់ស្កាត់មិនឲ្យឡើងថ្លៃហួសហេតុលើម្ហូបអាហារ និងសេវាកម្មទេសចរណ៍ បញ្ហាបរិស្ថានអនាម័យល្អប្រសើរជាងមុន បញ្ហាសន្តិសុខសុវត្ថិភាពល្អប្រសើរជាដើម៕

អត្ថបទ៖ សោភា