ដួណាល់ ត្រាំ ដាក់ទណ្ឌកម្មថ្មី ផ្ដាច់ប្រភពហិរញ្ញវត្ថុរបស់កូរ៉េខាងជើង
- 2017-09-22 02:51:00
- ចំនួនមតិ 0 | ចំនួនចែករំលែក 0
ដួណាល់ ត្រាំ ដាក់ទណ្ឌកម្មថ្មី ផ្ដាច់ប្រភពហិរញ្ញវត្ថុរបស់កូរ៉េខាងជើង
ចន្លោះមិនឃើញ
ប្រធានាធិបតីអាមេរិក ដូណាល់ ត្រាំ កាលពីថ្ងៃទី២១ ខែកញ្ញា ម្សិលមិញ បានដាក់ចេញវិធានការក្តៅបន្ថែមទៀតហើយ ដោយហាមមិនឲ្យអ្នកវិនិយោគបរទេស និងធនាគារបរទេស ធ្វើពាណិជ្ជកម្មជាមួយរដ្ឋាភិបាលក្រុងព្យុងយ៉ាងនោះទេ។ ការដាក់ចេញវិធានការថ្មីនេះ គឺដើម្បីប្រឆាំងនឹងការអភិវឌ្ឍកម្មវិធីនុយក្លេអ៊ែររបស់កូរ៉េខាងជើង។
វិធានការផ្ដាច់ប្រភពហិរញ្ញវត្ថុរបស់កូរ៉េខាងជើង គឺត្រូវបានធ្វើឡើងតាមរយៈក្រឹត្យ ដែលប្រធានាធិបតី ដូណាល់ ត្រាំ បានចុះហត្ថលេខា កាលពីម្សិលមិញ។ ការដាក់ចេញវិធានការនេះ គឺធ្វើឡើងត្រឹមតែរយៈពេល ២ថ្ងៃប៉ុណ្ណោះ ក្រោយប្រធានាធិបតី ត្រាំ បានប្រកាសនៅមហាសន្និបាតអង្គការសហប្រជាជាតិថា អាមេរិកនឹងវាយកូរ៉េខាងជើងដែលមានប្រជាជន ២៦លាននាក់ ឲ្យខ្ទេចទាំងអស់ ប្រសិនបើកូរ៉េខាងជើងហ៊ានគំរាមកំហែងអាមេរិក។
សូមបញ្ជាក់ថា ត្រឹមរយៈពេល ៩ខែ ឆ្នាំ២០១៧នេះ ក្រោមការបញ្ជារបស់លោក គីម ជុងអ៊ុន រដ្ឋាភិបាលក្រុងព្យុងយ៉ាងបានបាញ់សាកល្បងមីស៊ីលប្រមាណ ៩០គ្រាប់ហើយ ដែលចំនួននេះ គឺច្រើនជាងចំនួនសរុបបញ្ចូល ដែលឪពុក និងជីតារបស់លោកបានបាញ់សាកល្បងទៅទៀត៕