ឃាត់ត្រួតពិនិត្យរថយន្ត២គ្រឿងដឹកស្វាក្ដាមជិត ២០០ក្បាល ពីកម្ពុជាទៅអាមេរិក

2017-09-28 07:18:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រថយន្ត២គ្រឿងដឹកជញ្ជូនសត្វស្វាក្ដាមចំនួន ១៨០ក្បាល ក្នុងគោលបំណងនាំចេញទៅសហរដ្ឋអាមេរិក ត្រូវបានមន្ត្រីពេទ្យឃាត់ត្រួតពិនិត្យកាលពីថ្ងៃទី២៧កញ្ញា នៅតាមផ្លូវជាតិលេខ៥ ចំណុចដើមពោធិ៍ (យាយម៉ៅ) ភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។

លោក ស៊ីវ គឹមហេង ផ្នែកបសុព្យាបាលក្រុងប៉ោយប៉ែត បញ្ជាក់ថា ក្រោយពេលឃាត់ធ្វើការត្រួតពិនិត្យ ឃើញថាការដឹកស្វាក្ដាមទាំងនោះគឺមានច្បាប់ត្រឹមត្រូវ ដែលជារបស់ក្រុមហ៊ុន VANNY BIO ដឹកពីខេត្តពោធិ៍សាត់ ឆ្លងតាមបន្ទាយមានជ័យ ចេញទៅថៃ រួចបន្តទៅសហរដ្ឋអាមេរិក។ សត្វស្វាក្ដាមទាំង១៨០ក្បាល នឹងត្រូវយកទៅពិសោធធ្វើជាថ្នាំ។

លោក ស៊ីវ គឹមហេង បន្ថែមថា នេះជាលើកទី៣ហើយដែលក្រុមហ៊ុន VANNY BIO នាំសត្វស្វាក្ដាម ឬស្វាក្រិះ នាំចេញទៅសហរដ្ឋអាមេរិក ដោយ១លើកអាចនាំចេញប្រមាណជិត ២០០ក្បាល។ ស្វាក្ដាមមានចិញ្ចឹមនៅខេត្តពោធិ៍សាត់ និងនៅព្រែកឯង រាជធានីភ្នំពេញ៕

អត្ថបទ៖ ឈាង.