Real នឹងទៅសួរសុខទុក្ខក្រុមមួយដល់កីឡដ្ឋានដែលមានឈ្មោះថា Fernando Torres

2017-09-30 07:45:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Real Madrid នឹងត្រូវប៉ះក្រុមម្ចាស់ផ្ទះ Fuenlabrada នៅក្នុងការប្រកួតវគ្គ ៣២ក្រុម ពានរង្វាន់ Copa del Rey នៅថ្ងៃទី២៦ ខែតុលា ឆ្នាំ២០១៧។ ការប្រកួតនឹងត្រូវធ្វើឡើងនៅកីឡដ្ឋានដែលយកឈ្មោះតាមខ្សែប្រយុទ្ធរបស់ក្រុម AT. Madrid “Fernando Torres” ដែលអាចផ្ទុកអ្នកទស្សនាបានត្រឹមតែប្រមាណជា ៤ពាន់នាក់ប៉ុណ្ណោះ។ ទីនោះ ក៏ជាតំបន់ដែល Torres ធំធាត់មុនក្លាយជាកីឡាករល្បីឈ្មោះដូចសព្វថ្ងៃ។

កីឡដ្ឋាន Fernando Torres

Fuenlabrada ជាក្រុមនៅលីគលំដាប់ទី៣អេស្ប៉ាញ ដែលរកបានជ័យជម្នះចំនួន ៤ប្រកួត ក្នុង ៦ប្រកួតសម្រាប់រដូវកាលថ្មីនេះ។ ក្រុមនេះ នឹងត្រូវលេងចំនួន ២ជើងជាមួយ Real Madrid ក្រោយការចាប់ឆ្នោតវគ្គ ៣២ក្រុម Copa del Rey កាលពីពេលថ្មីៗកន្លងទៅ។

កីឡាកររបស់ Fuenlabrada មិនបានបង្ហាញការព្រួយបារម្ភចំពោះជំនួបជាមួយក្លឹបអធិរាជសឡើយ។ ផ្ទុយទៅវិញ ពួកគេបានបង្ហាញការសប្បាយរីករាយនៅលើបណ្ដាញសង្គម បន្ទាប់ពីមានឱកាសលេងជាមួយក្រុម Real Madrid ៕