រុស្ស៊ី គំរាមបិទ Facebook បើមិនស្របតាមលក្ខខណ្ឌមួយ

2017-10-03 07:28:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បណ្ដាញសង្គមយក្ស Facebook អាចប្រឈមនឹងការបិទមិនឲ្យដំណើរការនៅក្នុងរុស្ស៊ី ប្រសិនបើមិនព្រមធ្វើតាមច្បាប់កំណត់របស់ប្រទេសមហាអំណាចមួយនេះ។

នៅឆ្នាំ២០១៥ រុស្ស៊ីបានអនុម័តច្បាប់ថ្មីមួយ ដែលតម្រូវឲ្យប្រជាជនគ្រប់គ្នាត្រូវផ្ទុកទិន្នន័យអនឡាញផ្ទាល់ខ្លួននៅក្នុងប្រទេស។ យោងតាមច្បាប់នេះ Facebook ត្រូវតែបង្កើតកន្លែងផ្ទុកទិន្នន័យ Server នៅក្នុងទឹកដីប្រទេសរុស្ស៊ី សម្រាប់អ្នកប្រើប្រាស់បណ្ដាញសង្គមនៅក្នុងរុស្ស៊ី។

កាលពីមុន បណ្ដាញសង្គម LinkedIn ធ្លាប់បានបដិសេធមិនធ្វើតាមរុស្ស៊ី ដូច្នេះហើយទើបរុស្ស៊ីបិទមិនឲ្យដំណើរការបន្តទៀតនៅលើទឹកដីរបស់ខ្លួន។ ចំណែកឯ Twitter មិនបានប្រកែកនឹងច្បាប់នេះឡើយ ដោយសន្យានឹងធ្វើតាមនៅឆ្នាំ២០១៨។

អ្នកជំនាញ និយាយថា Facebook ប្រហែលជាអនុវត្តទៅតាមច្បាប់ប្រទេសរុស្ស៊ី និងចាប់ផ្ដើមប្រើ Server នៅរុស្ស៊ី។ មូលហេតុដោយសារតែ Facebook ធ្លាប់ត្រូវបានចិនបញ្ឈប់ដំណើរការរួចហើយកាលពីឆ្នាំ២០០៩ ដូច្នេះខ្លួនមិនចង់បាត់បង់ចំណូលច្រើនទៀតនោះទេ៕

ប្រភព៖ Metro ប្រែសម្រួល៖ ឈាង.