ជម្រើស១១នាក់ដំបូងរបស់អ្នកគាំទ្រ Liverpool និង Man Utd មុនជួបគ្នាល្ងាចនេះ

2017-10-14 07:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សារព័ត៌មានកីឡាល្បីរបស់អង់គ្លេស SkySports បានប្រមូលមតិរបស់អ្នកគាំទ្រក្រុម Liverpool និង Manchester United មុនការជួបគ្នាវេលាម៉ោង ៦:៣០ នាទីល្ងាចថ្ងៃសៅរ៍ ទី១៤ ខែតុលា ឆ្នាំ២០១៧ នេះ នៅកីឡដ្ឋាន Anfield របស់ក្រុមហង្សក្រហម។

លោក Klopp គ្រូបង្វឹក Liverpool និង លោក Mourinho អ្នកចាត់ការ Man Utd (ស្ដាំ)

**ជម្រើស ១១នាក់ដំបូងរបស់អ្នកគាំទ្រ Liverpool**

អ្នកចាំទី (Mignolet); ខ្សែការពារ (Alexander-Arnold, Matip, Lovren, Robertson); ខ្សែបម្រើ (Can, Henderson, Wijnaldum); ខ្សែប្រយុទ្ធ (Coutinho, Salah, Firmino)។ ទម្រង់ ៤-៣-៣។

ខ្សែប្រយុទ្ធ Sadio Mane នឹងអវត្តមាន ដោយសារបញ្ហារបួស ដូច្នេះអ្នកគាំទ្រក្រុមហង្សក្រហមនឹងផ្ដោតលើ Coutinho និង Firmino ដែលបានវិលត្រឡប់ទៅហ្វឹកហាត់វិញ ក្រោយធ្វើដំណើរយ៉ាងឆ្ងាយពីប្រទេសប្រេស៊ីល កាលពីថ្ងៃពុធកន្លងទៅ។

Sadio Mane

ជម្រើស ១១នាក់ដំបូងរបស់អ្នកគាំទ្រ Manchester United

អ្នកចាំទី (De Gea); ខ្សែការពារ (Valencia, Bailly, Jones, Young); ខ្សែបម្រើ (Matic, Herrera, Mata, Mkhitaryan, Rashford); ខ្សែប្រយុទ្ធ (Lukaku)។ ទម្រង់ ៤-២-៣-១។

កីឡាករ Antonio Valencia និង Ashley Young កំពុងធ្វើបានយ៉ាងល្អ នៅតំបន់ការពារស្លាបទាំងសង្ខាង។ ចំណែក Ander Herrera ទើបតែបង្ហាញខ្លួនជាជម្រើស១១នាក់ដំបូង បានមួយលើកប៉ុណ្ណោះ ក្នុងរដូវកាលនេះ។ រីឯ Pogba និង Fellaini ប្រហែលមិនអាចចូលលេងបានឡើយ ដោយសាររបួស។

Antonio Valencia

ការពិតរវាងក្រុមទាំងពីរ

Liverpool មិនទាន់អាចយកឈ្នះ Man Utd បាននៅឡើយទេ ក្នុង ៦ប្រកួតនៅក្របខ័ណ្ឌ Premier League ចាប់តាំងពីឈ្នះ ៣-០ នៅកីឡដ្ឋាន Old Trafford កាលពីខែមីនា ឆ្នាំ២០១៤។ ក្នុងនោះ Liverpool ស្មើ ២ និង ចាញ់ ៤។
Man Utd បានយកឈ្នះ Liverpool ចំនួន ៣ដង ក្នុងការជួបគ្នា ៥លើកចុងក្រោយនៅទឹកដី Anfield (ចាញ់១ និង ស្មើ១)៕

ប្រភព៖ BBC | Sky Sports ប្រែសម្រួល៖ លាភ.