អាជីវករខ្មែរជាង១ពាន់នាក់ នាំគ្នាបាតុកម្មបិទផ្លូវ នៅច្រកព្រំដែនកម្ពុជា-ថៃ
- 2017-10-16 01:22:47
- ចំនួនមតិ 0 | ចំនួនចែករំលែក 0
អាជីវករខ្មែរជាង១ពាន់នាក់ នាំគ្នាបាតុកម្មបិទផ្លូវ នៅច្រកព្រំដែនកម្ពុជា-ថៃ
ចន្លោះមិនឃើញ
ក្រុមអាជីវករខ្មែរប្រមាណជាង ១ពាន់នាក់ បានធ្វើបាតុកម្មបិទច្រកទ្វារតំបន់គីឡូ១៣ នៅស្រុកសំពៅលូន ខេត្តបាត់ដំបង ទល់នឹងស្រុកខ្លងហាត ខេត្តស្រះកែវ កាលពីថ្ងៃទី១៥ ខែតុលា ឆ្នាំ២០១៧។
បាតុកម្មនេះ ធ្វើឡើងបន្ទាប់ពីភាគីថៃបានចាប់កសិផលរបស់ក្រុមអាជីវករខ្មែរអស់មួយចំនួន កាលពីថ្ងៃទី១៤ ខែតុលា ឆ្នាំ២០១៧។ សូមបញ្ជាក់ថា កាលពីថ្មីៗនេះ មានការហាមឃាត់ទំនិញកសិផលមួយចំនួនរបស់កសិករខ្មែរដូចជា ខ្ទឹមបារាំង ខ្ទឹមស ប៉េងប៉ោះល្ហុង និងផ្លែស្វាយ ជាដើម មិនឲ្យនាំចូលទៅលក់ក្នុងផ្សារណាត់ នៅទឹកដីប្រទេសថៃឡើយ។
នៅក្នុងបាតុកម្មខាងលើនេះ ក្រុមអាជីវករខ្មែរបានស្នើសុំចំនួន៣ចំណុចសំខាន់ៗដូចជា៖
១. ស្នើឲ្យមានការបើកឲ្យនាំផលិតផលកសិផលខ្មែរ យកទៅលក់លើទីផ្សារថៃបានដូចដើមវិញ
២. សុំឲ្យច្រកទ្វារតំបន់ខាងភាគីថៃចាប់បើកនៅម៉ោង ៥ និង ៣០នាទី ហើយបិទនៅម៉ោង ៥ និង ៣០នាទីល្ងាចដូចពីមុន
៣. កុំឲ្យមានទាហានក្នុងឯកសណ្ឋាន ស្ពាយកាំភ្លើង មកឈរពង្រាយពេញផ្សារបែបនេះតទៅទៀត ព្រោះពលរដ្ឋមានការភ័យខ្លាច៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
