កាំកុងត្រូលស្នើពលរដ្ឋ កុំឱ្យទិញផលិតផលត្រី Tuna ច្រកក្នុងកែវមានគម្រប

2017-10-17 09:18:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយកដ្ឋានកាំកុងត្រូលនៃក្រសួងពាណិជ្ជកម្ម បានចេញសេចក្ដីប្រកាសដល់សាធារណជន ពាណិជ្ជករនាំចូល អាជីវករលក់ដុំលក់រាយ ឲ្យបានដឹងថា ផលិតផលត្រី Tuna ច្រកក្នុងកែវមានគម្រប អាចបង្កគ្រោះថ្នាក់បានដល់សុខភាព។

មូលហេតុត្រូវកាំកុងត្រូលលើកឡើងថា ក្រុមហ៊ុន Conserverie Chancerelle បានប្រមូលមកវិញនូវផលិតផលត្រី Tuna កែវមានគម្រប ពីទីផ្សារប្រទេសបារាំង បន្ទាប់ពីរកឃើញមានបំណែកដុំកែវនៅក្នុងផលិតផលនេះ។ បំណែកដុំកែវនេះ អាចបង្កឲ្យអ្នកបរិភោគរងរបួសមាត់ បំពង់ក ឬពោះវៀនជាដើម។

ជុំវិញបញ្ហានេះ អគ្គនាយកដ្ឋានកាំកុងត្រូល បាននិងកំពុងចាត់វិធានការដូចជា៖

រាំងខ្ទប់មិនឲ្យនាំចូលផលិតផលដូចបានអធិប្បាយខាងលើ។
ផ្ដល់ព័ត៌មានដល់ក្រុមហ៊ុននាំចូល អាជីវករលក់ដុំនិងរាយ ក្នុងករណីមានការនាំចូល ឬចរាចរណ៍លើទីផ្សារ។
ត្រួតពិនិត្យនៅតាមទីផ្សារធំ-តូច ផ្សារទំនើប ដើម្បីសម្របសម្រួល និងមានវិធានការតាមនីតិវិធី ប្រសិនបើមានការដាក់តាំងលក់ផលិតផលខាងលើ៕

អត្ថបទ៖ ឈាង.