នាយករដ្ឋមន្រ្តីថា កម្ពុជា មិនដែលមានបញ្ហាជាមួយសិង្ហបុរីទេ

2017-10-18 00:33:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានអះអាងថា កម្ពុជា និងសិង្ហបុរី មានទំនាក់ទំនងជាប្រវត្តិសាស្រ្តយូរណាស់មកហើយ ពុំដែលមានបញ្ហាទេ ផ្ទុយទៅវិញ គឺមានកិច្ចសហប្រតិបត្តិការនៅគ្រប់មុខព្រួញជាច្រើន។ សម្តេចលើកឡើងដូច្នេះ ក្នុងជំនួបពិភាក្សាការងារជាមួយលោក Vivian Balakrishnan រដ្ឋមន្ត្រីការបរទេសសិង្ហបុរី កាលពីរសៀលថ្ងៃទី១៧តុលាម្សិលមិញ នៅវិមានសន្តិភាព។

រូបថត៖ ហ្វេសប៊ុកសម្តេច ហ៊ុន សែន

លោក Vivian Balakrishnan បានបង្ហាញពីការពេញចិត្តចំពោះមិត្តភាព និងទំនាក់ទំនងល្អរវាងប្រទេសទាំង២។ ដំណើរទស្សនកិច្ចរបស់រដ្ឋមន្រ្តីការបរទេសសិង្ហបុរីរូបនេះ គឺបានពង្រឹងបន្ថែមនូវចំណងមិត្តភាព និងទំនាក់ទំនងទ្វេភាគីឲ្យកាន់តែល្អប្រសើរជាមួយកម្ពុជា។

រូបថត៖ ហ្វេសប៊ុកសម្តេច ហ៊ុន សែន

ក្នុងកិច្ចពិភាក្សានោះ សម្តេច ហ៊ុន សែន ក៏បានសម្តែងនូវការគាំទ្រចំពោះគំនិតផ្តួចផ្តើមរបស់សិង្ហបុរីក្នុងការធ្វើសមាហរណកម្មអាស៊ានផងដែរ។ ទន្ទឹមនឹងនោះ កម្ពុជាក៏បានទទួលនូវផលប្រយោជន៍យ៉ាងច្រើនពីកិច្ចផ្តួចផ្តើមនេះ ពិសេសលើការអភិវឌ្ឍធនធានមនុស្ស៕

អត្ថបទ៖ សំភី