Morata អាចចូលជួយ Chelsea ការពារតំណែងលេខ១ក្នុងពូល ពេលប៉ះ Roma

2017-10-18 08:00:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដំណឹងល្អរបស់អ្នកគាំទ្រ Chelsea បានកើតឡើង បន្ទាប់ពីខ្សែប្រយុទ្ធ Alvaro Morata បានចូលហ្វឹកហាត់ជាមួយ Chelsea សាជាថ្មី ក្នុងការត្រៀមខ្លួនទទួលស្វាគមន៍ក្រុម Roma នៅវគ្គសន្សំពិន្ទុ ពូល C ពានរង្វាន់ UEFA Champions League វេលាម៉ោង ១:៤៥ នាទីរំលងអាធ្រាត្រ ឈានចូលថ្ងៃទី១៨ ខែតុលា ឆ្នាំ២០១៧។

សកម្មភាពហ្វឹកហាត់របស់ Chelsea

Morata អាយុ ២៤ឆ្នាំ មិនអាចចូលលេងនៅប៉ុន្មានប្រកួតចុងក្រោយរបស់ក្រុមតោខៀវ ដោយសារបញ្ហារបួសសរសៃពួរ។ ក្រុមដែលដឹកនាំដោយគ្រូបង្វឹកលោក Antonio Conte នឹងមិនមានកីឡាករ N'Golo Kante និង Victor Moses បន្ទាប់ពីពួកគេទាំងពីររបួសសរសៃពួរ អំឡុងការប្រកួតដែល Chelsea ចាញ់ Crystal Palace នៅក្នុងការប្រកួត English Premier League ចុងសប្ដាហ៍កន្លងទៅ។

លោក Conte ក៏បានដាក់បញ្ចូលយុវជនចំនួន ៤រូប ដើម្បីចូលហ្វឹកហាត់ត្រៀមការប្រកួតយប់នេះផងដែរ មានដូចជា Ethan Ampadu, Jake Clarke-Salter, Kyle Scott និង Dujon Sterling ។

Chelsea ដែលមាន ៦ពិន្ទុ អាចបាត់បង់តំណែងលេខ១ ក្នុងពូល ប្រសិនបើចាញ់ Roma យប់នេះ ស្របពេលដែលក្រុមទាំងពីរ ខុសពិន្ទុត្រឹមតែ ២ពិន្ទុប៉ុណ្ណោះ។

ជម្រើស១១នាក់ដំបូងដែលអាចចូលលេងយប់នេះ

សកម្មភាពហ្វឹកហាត់របស់ Chelsea

Chelsea៖ អ្នកចាំទី (Courtois); ខ្សែការពារ (Cahill, Luiz, Azpilicueta); ខ្សែបម្រើ (Zappacosta, Fabregas, Bakayoko, Alonso); ខ្សែប្រយុទ្ធ (Pedro, Hazard, Morata)

Roma៖ អ្នកចាំទី (Alisson); ខ្សែការពារ (Bruno Peres, Juan Jesus, Fazio, Kolarov); ខ្សែបម្រើ (De Rossi, Strootman, Nainggolan); ខ្សែប្រយុទ្ធ (Florenzi, Perotti, Dzeko)។

ប្រភព៖ Dailymail ប្រែសម្រួល៖ លាភ.